Jeremiah 18:20 - Hawaii Pidgin Bible

²⁰ You goin do good kine tings fo dem Wen dey stay do bad kine tings fo me, Jeremiah, o wat?! Jalike dey dig one big hole fo kill me. No foget dat I wen stan in front you An aks you fo do good kine tings fo dem, So you no stay huhu wit dem.

Jeremiah 18:20 ပူးပေါင်းရင်းမြစ်များ

Job 6:27

You guys, da kine dat even throw dice Fo buy kids dat no mo faddah fo make um come yoa slaves. You trade yoa frenz fo all kine stuffs cuz you no give a rip.

Songs 106:23

So God tell, “I goin wipe out All da peopo!” But Moses, da guy God wen pick, He go stan in da middo Wit God on one side An da peopo on da odda side. He try fo make God no kill da peopo, No matta God wen had it Wit da kine stuff da peopo stay do.

Songs 119:95

Da peopo dat do bad kine stuff, Dey make ready fo wipe me out, But I still tink plenny Bout da tings you teach.

Songs 35:12

I do good tings fo dem, But dey do bad kine stuff Fo pay me back! Dey like make me feel Jalike nobody kea fo me.

Songs 35:7

Cuz I neva do notting to dem, But still yet dey wen hide one net Fo trap me. I neva do notting to dem, But still yet dey wen dig one big hole Fo make me fall down inside an mahke.

Songs 38:20

I do good tings fo dem, An dey do bad tings fo pay me back. Dey agains me, Cuz dey know I like do wass right.

Songs 57:6

Da peopo dat stay agains me, Dey wen make ready One net fo catch me. Cuz a dat, I wen feel all bum out. Dey wen dig one big hole Wea dey know I goin go, But dey da ones Wen fall down inside dea! (Time out fo da music.)

Songs 7:15

Dey dig one big hole fo trap peopo, An make um plenny deep, But dey da one goin fall down Inside da trap dey wen put.

Smart Guys 17:13

If somebody do someting good fo you, An you do someting bad fo pay um back, Bad kine stuff goin happen to yoa ohana!

Smart Guys 26:27

You dig one hole fo catch somebody, You da one goin fall down inside! You push one big rock fo smash somebody, You da one goin get smash!

Teacha 10:8

You dig one deep hole, maybe you fall inside um. You dig thru one wall, maybe one snake bite you.

Jeremiah 11:14

“Eh Jeremiah! Az why, no pray fo dis peopo no moa! No go yell o beg me fo do stuff fo dem! Cuz I no goin lissen wen bad tings happen an dey yell fo me fo help dem.

Jeremiah 14:20

You Da One In Charge, An us guys know we wen do bad kine stuff. Fo shua, wat oua ancesta guys wen do was wrong. All us guys do bad kine stuff agains you.

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 17:18

“Da guys dat stay come afta me, I like you make dem come shame, But no make me come shame. Bum dem out, but no bum me out. Make bad kine stuff happen to dem, An bus um up, ova an ova!”

Jeremiah 18:19

I tell: “You Da One In Charge, lissen me! Lissen wat da guys dat poin finga me stay tell!

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Jeremiah 27:18

Maybe get guys dat talk fo Da One In Charge fo real, an dey get one message from Da One In Charge. Den, good dey pray to Da One In Charge, da God Ova All Da Armies, dat da stuff dat still stay inside da Temple Fo Da One In Charge, an inside da palace a da Judah king, an inside Jerusalem, no go Babylon.

Jeremiah 5:26

“Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Jeremiah 7:16

“So you, Jeremiah, no pray fo dese peopo o beg me fo help dem. Cuz I no goin lissen you.

Sad Song 3:59

Da One In Charge, you see how dey no like Fo nobody judge me da right way. So now, you go judge me da right way!

John 10:32

Jesus tell dem, “I wen show you guys plenny good tings dat I wen do fo my Faddah. Now, wat one a dose good tings you guys throw stone at me fo?”

John 15:25

But all dis stuff stay happen, jalike dea Rules tell, ‘Dey hate me fo notting.’

1 Samuel 19:4

Da nex day, Jonathan talk good bout David to his faddah Saul, an tell him, “You da king, so try no go do notting bad to David. Cuz he stay work fo you, an he neva do notting bad to you. An all da tings he do, help you plenny.