“Dey tell, ‘No way us guys goin lissen wat God tell!’ Dey no even tink bout da awesome kine tings you do Right dea in front dem. Dey even come mo hard head fo go agains you, An pick one leada guy fo bring dem back Egypt side Fo come slave guys one mo time. “But you, you one God dat no bodda you Fo let da peopo go Fo da bad kine tings dey do. You get one big heart fo do good tings fo peopo. You get pity fo peopo. You take long time befo you get huhu. You erytime stay tight wit yoa peopo. Dass why you neva leave yoa peopo dat time,
Jeremiah 18:15 - Hawaii Pidgin Bible15 But my peopo, dey not like da watta from da mountains! Dey no give a rip bout me. Dey burn incense fo da idol kine gods dat no can do notting. No matta da idol kine gods make my peopo Fall down from da good roads dat stay from long time. Da idol kine gods make dem go walk on top Da small kine trails dat nobody build um good. အခန်းကိုကြည့်ပါ။ |
Jeremiah 18:15
35 ပူးပေါင်းရင်းမြစ်များ
“Me Da One In Charge, me da God Ova All Da Armies! I wen plant you guys on top dis land jalike dat olive tree. But I tell dis bout you guys now: you goin get wipe out! Az cuz you Israel ohana an Judah ohana guys wen do bad kine stuff, an dat make me come real huhu, cuz you guys burn incense fo da god Baal.”
Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’
You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.
Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.
Dis wat Da One In Charge, da God Ova All Da Armies, da God fo da Israel peopo, tell: ‘You guys an yoa wifes wen make one spesho promise. You tell dat fo shua you goin do eryting you wen make spesho promise fo do, fo burn incense fo da Queen Inside Da Sky, an pour out drink offering fo her. An now you guys stay do jalike you wen promise fo do.’ “Kay den, go ahead! Do wat you wen promise fo do! Make shua you do eryting you wen make one spesho kine promise fo do!
Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’
Dey make me come jealous Cuz dey pray to da kine gods Dat not gods fo real kine. Dey make me come huhu Cuz a dea idol kine gods dat good fo notting. Me, I goin make dem come jealous, Cuz I goin do good tings Fo some no good peopo, not dem. I goin make dem come huhu Cuz I goin do good tings fo one nation Dat donno notting, not dem.
ကြော်ငြာတွေ