Jeremiah 18:13 - Hawaii Pidgin Bible

¹³ Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Jeremiah 18:13 ပူးပေါင်းရင်းမြစ်များ

Isaiah 36:22

Den Eliakim, Hilkiah boy, dat stay in charge a da palace, Shebna, da secretary guy, an Joah, Asaf boy, dat write da govmen records, dey go back by Hezekiah. Dea clotheses stay rip fo show dey sore inside, an dey tell him wat da territorial govna guy wen tell.

Isaiah 66:8

Nobody hear bout dat kine ting befo time! Nobody see dat kine stuff befo time! No can born one whole country in one day! No can make one peopo in one minute! But da Jerusalem peopo on top Mount Zion, Dey jalike one wahine, wen her bebes ready fo come, An she born um real fas.

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 18:14

You tink da snow eva go way from da mountain cliffs inside Lebanon?! No way! You tink da cold watta ova dea come from far away, eva come notting?! Not even!

Jeremiah 23:14

An wit da guys dat suppose to talk fo me inside Jerusalem, I wen spock one even mo bad kine ting: Dey ack jalike one wahine dat fool aroun behind her husban back, An go fool aroun wit da odda gods, An follow da bulaia god Baal. Dey tell da peopo dat do bad kine stuff, ‘Go fo broke!’ So den no mo nobody turn aroun An no do bad kine stuff. Fo me, all dem jalike da Sodom peopo. An da Jerusalem peopo, dey jalike da Gomorrah peopo.”

Jeremiah 31:4

You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Jeremiah 5:30

“Bummahs! One real skery, bad kine ting, Wen happen inside da land.

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Hosea 6:10

I wen see real bad tings Da Israel an Efraim ohanas stay do. Ova dea, dey come pilau Cuz dey fool aroun wit odda gods.

Amos 5:1

Amos tell: “You peopo from da Israel ohana! Lissen wat I goin tell bout you guys! Dis one funeral kine song, you know. Me, Amos, I stay make um fo you guys. Dis da song:

Amos 5:2

“ ‘Da Israel ohana, jalike one young girl. No matta she young, She fall down cuz dey kill her. She no goin stan up one mo time, eva. Dey wen leave her body ova dea, inside her country. Cuz no mo nobody goin come fo her.

1 Corint 5:1

Fo real, some peopo tell dat one a you church guys stay fool aroun ova dea. Da guy stay do one mo worse ting den da peopo dat donno God. He even sleep wit his step muddah!

1 Samuel 4:7

dey come real sked. Dey stay tell, “Da Israel god wen come inside dea camp. Bummahs! Us get trouble big time! Dis neva happen to us befo!