Jeremiah 17:25 - Hawaii Pidgin Bible

²⁵ Den garans goin get king guys dat sit on top David throne, an dey goin come inside da gates fo dis big town wit dea leada guys. Dey goin come inside on top war wagons an horses, dem an dea leada guys, an da guys from Judah, an da peopo from Jerusalem. Den dis big town goin get peopo living inside, all da time.

Jeremiah 17:25 ပူးပေါင်းရင်းမြစ်များ

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

2 Samuel 8:4

David grab 1,700 a da guys dat use horse fo fight, an 20,000 infantry guys, an make um his prisonas. His guys cut da back leg tendon fo all da horses dat pull war wagon fo dem no walk good. Ony one hundred horses dat pull war wagon, he let stay good.

Outa Egypt 12:14

“Da day I do dat, goin come one spesho day ery year, fo you guys no foget how I pass ova you guys an no wipe you out. From dat day, ery year, you guys goin make spesho trip fo make one religious kine ceremony fo me, Da One In Charge. You guys, yoa kids, an dea kids goin do dat foeva. Az goin be one rule bout how you guys goin make fo me foeva, da Passova Time.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Jeremiah 13:13

Tell um: ‘Dis wat Da One In Charge tell: I da One goin fill up all da peopo inside dis land fo dem come piloot—da king guys from da David ohana dat sit on top his throne, da pries guys, da guys dat suppose to talk fo me, an erybody inside Jerusalem.

Jeremiah 22:2

‘You, da king fo da Judah peopo! Lissen up wat Da One In Charge tell. You da one from King David blood line dat get da right fo be king. You, yoa palace guys, an yoa peopo dat come inside dese gates—all you guys, lissen up!

Jeremiah 22:30

Dis wat he tell: “Write down dis Koniah guy name inside da records Jalike he neva have kids. Cuz from now till he mahke, he no goin do notting, No goin get nobody from his blood line Dat goin get da right one fo come king. Dey no can come da kings from King David blood Dat goin get da right fo stay in charge inside Judah!”

Jeremiah 22:4

Cuz if you guys make shua you do all dis stuff I tell, den da kings from King David blood line goin come inside da gates fo dis palace. Dey goin ride inside war wagons an on top horses, wit dea palace guys an dea peopo.

Jeremiah 25:5

Da guys dat talk fo God wen tell dem dis: ‘All you guys gotta change da way you tink! You gotta change an no do bad kine tings no moa! Den you can come back fo live inside da land Da One In Charge wen give you guys an yoa ancesta guys fo real long time.

Jeremiah 33:15

“Dat time, I goin make one guy from da King David blood line come up, One guy dat stay do wass right erytime, Jalike one new branch come out from one tree. He goin make shua get good judge guys Dat stay do wass right inside da land.

Jeremiah 33:17

“Cuz dis wat Da One In Charge tell: ‘David erytime goin get one guy dat come from him an get da right fo be king fo da Israel ohana.

Jeremiah 33:21

An same ting, no can broke da deal I wen make wit my worka guy David, an no can broke da deal I wen make wit da Levi guys dat stay pries guys an work in front me too. An no can change da promise I wen make to David, dat he erytime goin get one boy dat come from him fo stay king on top his throne!

Jeremiah 7:3

Dis da message from Da One In Charge, da God Ova All Da Armies, da God Fo Da Israel Peopo: Change da way you live an how you ack! Den I goin let you guys stay live dis place.

Jeremiah 7:7

If dass how you guys goin live, den I goin let you guys live dis place. Cuz I wen give dis land to yoa ancesta guys long time befo time, an foeva.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.

1 Samuel 8:11

Samuel tell, “Dis how da king dat goin lead you guys goin do. He goin take yoa boys an make some a dem work wit his war wagons an horses, an odda boys goin run in front his war wagons fo fight.