Jeremiah 17:11 - Hawaii Pidgin Bible

¹¹ “Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Jeremiah 17:11 ပူးပေါင်းရင်းမြစ်များ

Job 20:21

No mo notting lef ova fo dem eat up. Az why dey no can stay rich long time.

Songs 49:13

Dass wat goin happen wit da peopo Dat tink dey get um But dey no get um. Same ting goin happen To da ones dat come afta, An like make jalike dem. (Time out fo da music.)

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Smart Guys 13:11

Wen you no do notting fo da stuff you get, Bumbye no moa. Da kine guy dat work fo get stuff, Bumbye he goin get plenny.

Smart Guys 15:27

Da guys dat go all out fo make money, Dey make pilikia fo dea ohana. Da guys dat no touch Da unda da table kine money, Nobody goin try kill dem.

Smart Guys 21:6

Anybody bulai odda peopo Fo get plenny stuffs— Da stuffs dey get, Going all blow way jalike da mist, Jalike dey stay try fo mahke.

Smart Guys 23:5

You look litto bit at rich kine stuffs An dey disappea, Da rich kine stuff, jalike one eagle dat get wing An fly away to da sky.

Smart Guys 28:16

Wen get one leada guy dat no can tink, He ony like put presha Fo peopo give him stuff. But da leada guys dat no take Unda da table kine money, Dey goin live long time.

Smart Guys 28:20

Da kine guy you can trus erytime, God goin do plenny good tings fo him. But da kine guy dat try hard fo come rich fas, God goin punish him.

Smart Guys 28:22

Da greedy kine peopo Dat like come rich real fas, Dey donno dat bumbye, Dey goin come broke an no mo notting.

Smart Guys 28:8

If you lend peopo money, But charge um big time interes Fo you come rich fas, Az jalike you collecking money Fo some odda guy Dat goin use um Fo kokua da peopo dat no mo notting Jus cuz he like kokua dem.

Jeremiah 22:13

Da One In Charge tell dis: “Ho, King Jehoiakim! He all jam up! Cuz wen he build his palace, He neva do wass right, fo pay fo um. He bulai da peopo dat help him Fo him make da rooms upstairs. He make da guys from his peopo work fo notting. He no pay dem fo dea work.

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 6:13

“From da guys dass not importan to da importan guys, Erybody stay greedy fo get plenny stuffs. Da guys dat make jalike dey talk fo me, an da pries guys, Dey all bulai peopo fo get stuff.

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Micah 2:9

You make da wahines from my peopo run away From dea nice houses. You make dea kids so dey no mo da right eva Fo get all da awesome stuff I like do fo dem.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Zefaniah 1:9

Dat time, I goin punish Erybody dat jump ova da flat stone Unda da door a da temple Fo show respeck fo dea gods. Dose guys bulai peopo an bus um up, Fo dem fill up dea bosses house Wit stuff dey get From rip off peopo.”

Zekariah 5:4

Da One In Charge, da God Ova All Da Armies, tell, “I wen sen out dis paypa fo put kahuna on top da house a erybody dat rip off stuff, an erybody dat bulai wen dey make one strong promise an use my name. Da kahuna goin stay on top dose houses an wipe um out, even da wood an da stones.”

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

1 Timoty 6:9

Da peopo dat tink plenny bout come rich, dey goin set up fo dem do bad kine stuff. Dey goin like do plenny stupid an bad kine tings dat goin hurt um. Jalike one guy dat stay drown, dey goin come wipe out real good.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.