Jeremiah 16:19 - Hawaii Pidgin Bible19 Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’ အခန်းကိုကြည့်ပါ။ |
Jeremiah 16:19
55 ပူးပေါင်းရင်းမြစ်များ
I goin tell dat you da greates, Da One In Charge, Cuz you give place Fo da peopo dat no mo notting, fo hide. You, one place fo da peopo Dat need res an help wen dey get trouble. One place fo go inside From da big rain an da hot sun, Cuz wen da mean guys go afta peopo, Feel jalike wen da hard, cold rain Hit agains one wall,
Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’
So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”
Dey goin learn fo real kine how my peopo suppose to ack. So den wen dey make one strong promise, dey goin tell lidis, ‘Jalike fo shua Da One In Charge stay alive.’ (Az not like befo time, wen da odda peopos wen teach my peopo fo use Baal name wen dey make one promise.) But if dey learn eryting bout me, Da One In Charge, den I goin let dem get da same rights my peopo get.
Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”
Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”
Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”
You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.
“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.
Dem guys, dey wen throw out da true stuffs from God, an keep da bulaia kine stuff. Dey show respeck fo all da stuffs God wen make, an dey do all da kine religious king stuffs fo um. But da One dat make eryting, dey no show love an respeck fo him, da God I stay talk about. Da one you can talk good bout him erytime! Dass it!
ကြော်ငြာတွေ