Jeremiah 16:16 - Hawaii Pidgin Bible

¹⁶ Dis anodda message from Da One In Charge: “Right now, I goin tell plenny guys dat fish fo come, an dey goin catch da Israel peopo jalike dey catch fish. Afta dat, I goin tell plenny guys dat hunt animal fo come, an dey goin hunt fo da Israel peopo an bring um in from on top ery mountain an hill, an from inside da cracks inside da cliffs.

Jeremiah 16:16 ပူးပေါင်းရင်းမြစ်များ

Start 10:9

Nimrod come one good hunta, an Da One In Charge know bout him. Peopo still talk bout one good hunta guy lidis: “Da One In Charge, he know bout dis guy dass jalike Nimrod, one real good hunta.”

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 7:19

Da armies all goin come. Goin be jalike wen da flies an da bees go down inside da gulches, inside da cracks inside big stone, inside places wea get thorn bushes, an all ova da pukas wea get watta.

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 4:29

All da peopo inside da towns goin run Wen dey hear da army guys stay coming on top da horses, An da guys dat shoot wit bow an arrow. Some guys hide inside da bushes. Some guys climb up fo hide inside da rocks. Da peopo dig out from ery town, No mo nobody live dea no moa.

Jeremiah 49:5

But you know wat I goin do?! I goin make you guys come real sked a all da peopo Dat live aroun you guys.” Az wat Da One In Charge tell, da God Ova All Da Armies. “Dey goin chase away all you guys, all ova da place. An you no goin get nobody fo bring back da ones dat run away.

Jeremiah 6:9

Dis wat Da One In Charge, da God Ova All Da Armies, tell: “Da army guys goin take away da Israel peopo, Jalike wen somebody harves grapes from da grape plants, An den odda peopo come fo pick up wat still stay on top dea. But dey goin leave some peopo hea. So you, Jeremiah, make jalike one good grape farma, Check out da branches one mo time, Fo find an help da ones dat still stay dea.”

Sad Song 4:18

Guys hunt us wea eva we go. Fo us no walk inside oua open squares. Us no mo plenny time fo stay alive. Us goin mahke real fas.

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Hosea 10:10

So now, wen I ready, I goin punish da Israel peopo. Odda nations goin come togedda agains dem, Fo make dem come prisonas, Cuz dey get da blame fo two bad tings dey wen do.

Amos 4:2

Da One In Charge a me, he good an spesho. Cuz a dat, he wen make one strong promise lidis: Goin get one time, Jalike peopo goin stick one meat hook inside you guys body An drag you guys anodda place. Dey goin stick big fish hooks in yoa okole An drag you guys outa hea!

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.

1 Samuel 26:20

Now, my boss da king, no make me bleed an mahke inside one land wea I no can stay nea Da One In Charge! Wat da king fo da Israel peopo do, he stay come out hea jalike fo hunt ony one flea! Jalike somebody chasing one pheasant bird all ova da mountains.”