Jeremiah 15:5 - Hawaii Pidgin Bible

⁵ Da One In Charge tell: “Who goin show pity fo you Jerusalem peopo? Nobody! Who goin cry fo you guys cuz dey stay sad inside? Nobody! Who goin go by you an aks how you stay? Nobody!”

Jeremiah 15:5 ပူးပေါင်းရင်းမြစ်များ

Job 19:21

“Eh, you guys! You my frenz, aah? Show pity fo me! Show pity cuz God wen wack me!

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

Outa Egypt 18:7

Moses go da boonies fo meet his faddah-in-law. Moses go down in front Jetro, den he give um one hug an one kiss. Moses tell Jetro, “Eh! How you?” Jetro tell Moses, “I okay, how you?” Den dey go inside Jetro tent.

Isaiah 51:19

Dese two bad tings wen happen To you Jerusalem guys, No mo nobody fo help you Fo wat wen happen, An you feel sore inside. You guys stay all bus up, An wipe out, An no mo notting fo eat, An dey kill you guys wit swords. How I can give you guys good kine words Fo make you feel good?! No can!

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 16:5

Dis anodda message from Da One In Charge: “Jeremiah, no go inside one house wea da peopo stay eat food fo one funeral. No cry fo show dat you stay sad inside, an no show pity fo dem. Cuz I pau awready fo make eryting come good fo dem. I no goin stay tight wit dis peopo no moa, an I no goin show love an pity fo dem. Az wat Da One In Charge tell.

Jeremiah 21:7

An Da One In Charge tell wat goin happen afta dat—bout Zedekiah da king fo Judah, his palace guys, an da peopo dat live inside dis big town. He tell wat goin happen to da ones dat still stay alive afta da bad kine sick, an da fighting, an no mo food. Da One In Charge goin give dem to Nebukadnezzar, da king fo Babylon, an to da guys dat stay agains dem an like kill um. An Nebukadnezzar guys goin kill da Jerusalem peopo wit swords. Dey no goin feel pity fo dem o give dem chance.’

Sad Song 1:17

Da Zion peopo put out dea hands, But no mo nobody stay fo make dem feel mo betta. Da One In Charge tell dat fo da peopo dat come from Jacob, Da peopo dat live nea dem goin stay agains dem. Fo dose peopo, Jerusalem goin be jalike one pilau rag.

Nahum 3:7

Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”

Local Leadas 18:15

So dey go in dea, an go da house wea da young Levi guy live wit Micah. Dey tell him, “Aloha!”

1 Samuel 10:4

Dey goin tell you howzit, an fo shua dey goin give you two breads. An you suppose to take um.

1 Samuel 17:22

David leave da stuff he bring wit da guy dat suppose to watch erybody stuffs, an he run by da place wea da army guys line up fo aks his braddahs if eryting stay good.

1 Samuel 25:5

So he pick ten young guys, an tell um, “Go up country Carmel side by Nabal. Wen you get dea, tell um you my guys, an tell um, ‘Howzit’ fo me, cuz time fo pay up cuz I wen proteck him an his sheeps.