Jeremiah 15:19 - Hawaii Pidgin Bible

¹⁹ Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!

Jeremiah 15:19 ပူးပေါင်းရင်းမြစ်များ

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

Outa Egypt 4:12

Go now. Do wat I tell you fo do. Weneva you gotta talk, I goin help yoa mout. I goin teach you wat you gotta tell.”

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Jeremiah 1:9

Den Da One In Charge touch my mout wit his hand. He tell, “Dea! I give you da words from me fo tell awready!

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 35:19

Az why me, Da One In Charge, da God Ova All Da Armies, an da God fo da Israel peopo, tell dis: “Rekab boy Jonadab, his ohana erytime goin get peopo in place fo work in front me.” ’ ”

Jeremiah 4:1

Dis, da message from Da One In Charge: “You Israel peopo, If you guys come back, Den come back by me! “You guys gotta throw way yoa pilau idol kine gods, Fo me no see um no moa. An you guys gotta no go all ova da place no moa, From one bulaia kine god to anodda.

Jeremiah 6:29

Az jalike one ledda bag you use fo blow da fire real strong Fo burn up da junks fo clean da metal, But still yet, wase time, fo get da good kine metal, Cuz da fire no stay hot enuff fo burn out da junks. Da bad guys still stay dea!

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Ezekiel 2:7

You gotta tell dem wat I tell, no matta dey lissen o no lissen cuz dey go agains me.

Ezekiel 22:26

Da pries guys ova dea bus up da rules I teach an make da tings dat stay spesho fo me come pilau. Da stuff dass spesho fo me an da stuff dat no stay spesho fo me, dey no teach dass diffren. Dey teach dat no mo diffrence wit da pilau kine stuff dat make peopo so dey no can come in front me, an da stuff dat make peopo fo dem come in front me. Dey make jalike dey donno dat my Res Days stay spesho fo me. Az why dey make da peopo tink I no good an spesho.

Ezekiel 44:23

Dey goin teach my peopo dat da stuff dass spesho fo me an da regula kine stuff stay diffren. Dey goin teach my peopo fo know dat da pilau kine stuff an da stuff dass spesho fo me stay diffren too.

Prieses 10:10

You guys gotta know dat da stuff dat stay spesho fo me stay real diffren den all da odda stuff. An da stuff dat make um fo you come in front me, an da stuff dat make um so you no can come in front me, dey stay real diffren.

Prieses 14:57

fo da pries guy find out wen someting stay okay o not okay, an wen da peopo can come in front God, an wen dey no can.” Dis da rules bout da kine sick on top da skin dat odda guys can catch, an da mildew.

Jonah 3:2

“No wait! Go Nineveh town, da main town Assyria side. Tell da peopo ova dea all da tings I stay tell you now.”

Zekariah 3:7

“Dis wat Da One In Charge, Da God Ova All Da Armies, tell: ‘If you do wat I tell you fo do, an stick wit my rules, den you goin stay in charge a my house an my open lanais. I goin let you walk wit dese guys dat stay stan hea.

Luke 1:19

Da angel guy tell, “Me Gabriel, da one dat stan in front God, an he wen sen me fo tell you dis good stuff.

Luke 10:16

Jesus tell his guys, “Whoeva hear you, dey hear me too. Whoeva tell ‘Laytas’ to you, dey tell ‘Laytas’ to me too. Whoeva tell ‘Laytas’ to me, dey tell ‘Laytas’ to da One dat wen sen me.”

Luke 12:12

Cuz dat time da Good An Spesho Spirit goin tell you guys wat fo tell.”

Luke 21:15

Cuz I goin give you guys wat fo tell, an I goin make you guys know wat fo do erytime, so da guys dat stan up agains you no goin know wat fo tell, an dey no goin show proof dat you guys wen do wrong.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Jesus Guys 20:27

Cuz I no sked fo tell you guys all da stuff God like fo you guys do.

2 Corint 5:16

Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.

Galatia 1:10

You guys tink I stay trying fo tell wat da peopo like, o wat God like? O you guys tink I stay trying fo make me look good? No way! If I do wat odda peopo like me fo do an dat make me look good, den I no can be one worka fo Christ.

Galatia 2:5

But we neva let dem change da way us tink, not even litto bit cuz we like da Good An True Stuff Bout Christ stay good fo you guys.

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.