Jeremiah 15:17 - Hawaii Pidgin Bible

¹⁷ I neva hang out wit peopo dat like good fun An make big party wit dem. I ony stay wit nobody, cuz you stay in charge a me, An cuz you make me come plenny huhu wit dose peopo.

Jeremiah 15:17 ပူးပေါင်းရင်းမြစ်များ

Songs 1:1

Da peopo stay good inside Wen dey live lidis: Dey no lissen da guys dat broke Da Rules from God, Wen dose guys tell um wass good fo do. An dey no hang out wit da peopo Dat do bad tings, An dey no sit down fo talk story Wit da guys Dat ack jalike dey mo betta Den erybody!

Songs 102:7

I lay down an no can sleep, No mo nobody by me, Jalike one bird dat sit on top one roof.

Jeremiah 1:10

“So lissen up now! Today I give you one importan job, Fo grumble bout da diffren peopos an dea govmens. You goin tell um how I goin pull um outa da groun jalike plants An bus um up. I goin wipe um out, an throw out dea kings. Den I goin build up da diffren peopos one mo time, an make um come solid.”

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 16:8

“An no go inside one house wea peopo stay making party fo sit down wit da peopo dat stay eat an drink plenny.

Jeremiah 6:11

But you Da One In Charge, An you tell ‘Laytas’ to wat dey do, An I feel da same ting! Az why I gotta tell someting!” Da One In Charge tell me: “Tell erybody I stay huhu wit dem! Jalike you stay dumping watta all ova da place! Tell da kids in da street, An da young guys dat hang out togedda! Tell da husbans an wifes, Even da real ol peopo too!

Sad Song 3:28

Good, dey sit wit nobody an stay quiet, Wen Da One In Charge give dem hard work.

Daniel 7:28

“Dass da story, by me, Daniel. But dis story wen bodda me plenny, an give me chicken skin cuz I sked. Az why I no talk bout um.”

Zekariah 1:12

Den da firs angel guy from Da One In Charge dat I talk to pray lidis: “You Da One In Charge, Da God Ova All Da Armies. Seventy year awready you stay real huhu wit da Jerusalem peopo. So, how long you no goin show pity fo dem, an fo da peopo inside da odda Judah towns?”

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.