Jeremiah 14:21 - Hawaii Pidgin Bible

²¹ Cuz you get one good rep, no make to us guys like we no good. If you make to us jalike we stupid kine, Den da odda peopos goin tink you not one awesome king. No foget da deal you wen make wit us guys, An no broke da deal.

Jeremiah 14:21 ပူးပေါင်းရင်းမြစ်များ

Songs 106:40

Az why Da One In Charge Come huhu wit his peopo. He piss off wit da peopo Dat suppose to be ony fo him.

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 145:11

Dey goin talk bout How awesome eryting stay Cuz you get da powa fo be king. Dey goin talk plenny Bout how strong you stay.

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 51:11

No throw me out Fo you no stay tight wit me no moa. No take away from me Yoa Good An Spesho Spirit.

Outa Egypt 32:13

Tink bout Abraham, Isaac, an Israel, da guys dat work fo you befo time. You wen make one strong promise bout wat you goin do. You tell dat you fo real kine goin do wat you tell you goin do fo dem. You tell dem, ‘I goin make da peopo dat goin come from you come real plenny. Dey goin be jalike da zillion stars inside da sky. Da peopo dat goin come from you, I goin give um da whole land dat I stay talk about fo come dea land foeva.’ ”

Isaiah 62:6

Eh you Jerusalem peopo! I stay put guys on top yoa walls fo watch. Day time an nite time, Dey no goin stay quiet. You guys dat stay pray to Da One In Charge Fo no foget wat he wen promise fo do, No res o go sleep.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 17:12

“You Da One In Charge, an yoa Temple, az yoa throne, da Awesome One! From da start, az da mos importan place! Fo real kine, dass da place us guys make spesho fo you!

Jeremiah 3:17

Dat time, peopo goin call Jerusalem ‘Da Place Wea Da One In Charge Put His Throne.’ All da diffren peopos goin come togedda inside Jerusalem fo show me respeck cuz dey know wat kine god me. Dey no goin stay piss off an stay hard head an do bad kine tings jalike dey stay do now.

Sad Song 1:10

Da guys dat stay agains us Jerusalem peopo Wen grab all oua rich kine stuffs! Dey see da odda peopos dat donno you, God, Da ones you tell no can go inside da place Dat stay spesho fo you.

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Ezekiel 20:22

But I neva do all dat cuz I get one good rep. Az why I make shua da odda peopos aroun dem no give me one pilau name cuz a who me. Cuz dey see wat wen happen wen I bring da peopo outa Egypt.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Ezekiel 39:25

“Az why me, Da One In Charge, da Boss, tell dis: Now I goin bring da Jacob peopo back from wea dey stay prisonas far away. I goin show love an pity fo da Israel peopo. I goin go all out fo keep my good name an fo show how good an spesho me!

Ezekiel 43:7

He tell, “Eh! Fo Real Kine Guy! Dis da place fo my throne, da place wea I goin res my feets. Dis wea I goin live wit da Israel peopo foeva. Da Israel ohana no goin give me one bad rep no mo cuz I stay good an spesho. Dose peopo an dea kings no goin make lidat no mo too. Dey no goin fool aroun no mo wit da idol kine gods dat no stay alive. An dey no goin go down in front da idol kine gods by dea sacrifice places on top da hills no moa.

Daniel 9:7

“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.

Prieses 26:11

I goin make house by you guys, an I no goin make to you guys jalike you no good.

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Luke 1:72

He tell he goin give oua ancesta guys chance, An he no goin foget da spesho deal he wen make wit dem.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Efesus 2:7

God do all dat fo show proof foeva an eva dat he wen go all out fo do plenny good stuff fo kokua us cuz we stay tight wit Jesus Christ.

Rules Secon Time 32:19

Da One In Charge see wat his peopo stay do. Az why he throw um out, An no like dem be his peopo no moa, Cuz he tell “Laytas” to wat his boys an girls stay do.

Jesus Show 11:2

But no go measure da open lanai outside da temple, cuz God let da ones dat not his peopo take ova. Dey goin walk all ova Jerusalem, da town dat stay spesho fo God, fo three an a half year. (Dass 42 month, o 1,260 days, you know.)

1 Samuel 12:22

Da One In Charge no goin leave you guys! Cuz he awready make up his mind fo make you guys come his peopo. An he no goin jam up his good rep.