Jeremiah 14:19 - Hawaii Pidgin Bible

¹⁹ You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 14:19 ပူးပေါင်းရင်းမြစ်များ

2 Records 36:16

But dey ony make fun a his messenja guys. Dey tink eryting God tell ony junk. Dey laugh at da guys dat talk fo God. Dey stay make lidat, till Da One In Charge come real huhu wit his peopo, an no mo notting can make him no punish da Judah peopo.

Job 30:26

But wen I wait fo da good kine stuff fo happen, bad stuff happen! Wen I look fo light, da dark come.

Songs 78:59

God know wat dey stay do, An fo shua he tell “Laytas” to dat. He tell dat da Israel peopo, Dey not his peopo no moa.

Songs 89:38

But eh, God! You ack jalike you donno yoa king! You treat um jalike he pilau. You wen come huhu Wit da king you wen pick.

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Jeremiah 12:8

Da peopo dat stay mines Come afta me Jalike one lion inside da fores. Jalike da lion stay make big noise at me. Az why I make to dem jalike I hate dem.

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Jeremiah 30:12

Dis wat Da One In Charge tell da Mount Zion peopo: “You guys all bus up, An no mo notting goin make you come good. Da way da armies wack you, You goin stay sick, an you no goin come good.

Jeremiah 30:13

No mo nobody fo back you up. No mo notting goin make da bleeding stop. No mo nobody can make you come good.

Jeremiah 51:5

Cuz Da One In Charge, da God Ova All Da Armies, He no goin bag from da Israel an Judah peopo, Jalike one husban leave his wife wen he mahke. No matta da Israel an Judah peopo get plenny blame fo wat dey do, Da way Da One In Charge see um, He da Good An Spesho God fo da Israel peopo.

Jeremiah 6:30

Dey jalike da silva dat nobody can use. Cuz Da One In Charge tell ‘Laytas’ to dem!”

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Jeremiah 8:15

Us guys like eryting stay okay, But no mo notting good happen. Us guys like fo notting bad happen to us, But us guys ony stay real sked.

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Sad Song 2:22

“Jalike you call da peopo fo come togedda wen get da spesho religious ceremonies, Now you call terroris guys fo come all aroun me fo make me come real sked. Wen you, Da One In Charge, wen stay real huhu, No mo nobody get outa dea o stay alive. Get peopo dat was born from me, an I bring dem up, But da peopo dat stay agains me wipe dem out!”

Sad Song 4:17

An oua eyes no can see no moa. Wase time, we try find somebody fo help us. We wen watch from da towas Fo one nation come, but dey no can help us.

Sad Song 5:22

Bring us back, no matta you wen tink us guys no good, An you wen stay real huhu wit us guys.

Micah 1:12

Da peopo inside Marot, da Bad Taste Town, dey wait fo somebody help dem. Dey suffa, cuz bad kine stuff happen to dem from Da One In Charge. Da army guys dat stay agains us guys stay come all da way By da Jerusalem town gate awready.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!