Jeremiah 14:17 - Hawaii Pidgin Bible

¹⁷ “Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 14:17 ပူးပေါင်းရင်းမြစ်များ

2 Kings 19:21

Me, Da One In Charge, I get someting fo tell agains him: “ ‘Eh, King Sennakerib! All da wahines from Zion Hill Hate yoa guts an make fun a you. Dey goin stick finga at you wen you run away.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

Songs 39:10

No bus up me no moa! You come afta me real strong, I had it awready!

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Jeremiah 10:19

Da Jerusalem peopo yell: “Bummahs! I stay sore big time! Wea dey wen wack me stay mo worse. But I tink, ‘Fo shua, dass how sick I stay, An I gotta try handle.’

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 18:13

Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Jeremiah 8:18

Jeremiah tell, “I real sad! No way I can come good from dat! Inside, I come weak.

Jeremiah 8:21

Da peopo I love, dey all bus up. Az why me too, I stay all bus up inside. I stay real bum out an real sked.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Jeremiah 9:18

Tell um come quick fo cry loud Cuz us guys goin mahke. Dey gotta cry till us guys cry too, Jalike one riva come out from oua eye.

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Sad Song 2:18

Eh! You Jerusalem guys! Make yoa town wall yell to da Boss fo help! Cry fo da watta from yoa eyes run down jalike one riva, day time an nite time! No res inside, an no pau cry!

Amos 5:2

“ ‘Da Israel ohana, jalike one young girl. No matta she young, She fall down cuz dey kill her. She no goin stan up one mo time, eva. Dey wen leave her body ova dea, inside her country. Cuz no mo nobody goin come fo her.

Micah 6:13

Dass why me Da One In Charge Stay start awready fo wipe out you guys, An wack you guys so hard I make you come sick. I mess you up cuz a all da bad kine stuff you guys do.