Jeremiah 14:10 - Hawaii Pidgin Bible

¹⁰ Dis wat Da One In Charge tell bout how his peopo stay: “Dey like go check out any kine place. Dey no pick da right way fo go.” Az why Da One In Charge no like how dey ack. Da way tings stay now, He no goin foget da wrong tings dey stay do. He goin punish dem cuz a da bad tings dey do.

Jeremiah 14:10 ပူးပေါင်းရင်းမြစ်များ

1 Kings 17:18

She tell Elijah, “You one guy dat know God! How come you go agains me, aah?! Fo shua, you wen come hea fo make me tink bout all da bad kine stuff I wen do, an make my boy mahke!”

Songs 119:101

I stay far away from da bad kine life, Fo me lissen fo do da tings you tell.

Songs 95:10

“Was forty year yoa ancesta guys Was pilau fo me, An cuz a dat I mad! Dis how I wen tink: ‘Dese peopo! Inside, dey like do Wat dey like do! Dey donno how fo do tings my way!’

Outa Egypt 32:34

Now, you go. Take da peopo da place I wen tell you fo go. Goin get one angel messenja guy from me dat goin go in front a you. An wen da time come fo me fo punish peopo, I goin punish da ones dat wen do da bad kine stuff.”

Jeremiah 2:36

How come you guys go dis place an dat place all da time, An no make up yoa mind who you like stay tight wit? Da Egypt peopo goin bum you out, Jalike da Assyria guys wen bum you out befo time too.

Jeremiah 3:13

But one ting I tell you guys gotta do— You gotta tell wat you wen do az wrong, An dat you guys wen go agains me, yoa God, Da One In Charge, An dat you guys fool aroun all ova da place Wit odda peopo gods, Unda all da trees dat get big shade. An wen I talk, you guys no lissen, you make deaf ear! Az wat Da One In Charge tell.’ ”

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Jeremiah 6:20

You guys tink I like da incense from Sheba Dat you burn fo me?! No way! You tink I like da sweet calamus reed from one far place Dat you bring fo me?! Not even! I tell “Laytas” to yoa burn up kine sacrifices! Yoa odda kine sacrifices no make me feel good inside!’ ”

Jeremiah 8:5

So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Ezekiel 29:16

Da Israel peopo no goin trus da Egypt peopo no moa. Da Israel peopo no goin foget dat was one bad ting fo dem tell ‘Laytas’ to me an follow da Egypt peopo befo time. Den dey goin know dat was me Da One In Charge, da Boss, wen make all dis happen.”

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Hosea 11:9

I no goin punish you guys jus cuz I stay huhu wit you. I no goin turn aroun an jam up you Efraim peopo. Cuz I God! I not one guy! I da One dat stay good an spesho, an I live wit you guys. I stay huhu, but I no goin come bus up you guys!

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.

Hosea 7:2

But dey no tink dat I rememba All da bad kine stuff dey do. Da bad kine stuff dey do still stay all aroun dem. I erytime see da bad kine stuff dey do.

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Hosea 9:9

Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Amos 5:22

No matta you guys bring animals Fo kill um an burn um up fo make one sacrifice fo me, No matta you guys bring wheat fo make one present Fo show you get respeck fo me, I tell ‘Laytas’ to dat! Wen you guys kill da fat cow fo make da sacrifice, Still yet, I tell ‘Laytas’ to dat.

Hebrews 8:12

I goin pity dem an give um chance, No matta dey wen do tings dat no stay right. An I goin foget bout Da bad kine stuff dey wen do.’ ”

1 Samuel 15:2

Dis, da message from Da One In Charge, da Boss Ova All Da Armies: ‘I goin go afta da Amalek peopo an punish dem, cuz a wat dey wen do to da Israel peopo, da time da Israel peopo wen come outa Egypt. Da Amalek peopo fight fo da road an make da Israel peopo go aroun dem.