Jeremiah 13:23 - Hawaii Pidgin Bible

²³ You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Jeremiah 13:23 ပူးပေါင်းရင်းမြစ်များ

2 Kings 17:40

But da peopo still no like lissen. Dey still stay do all da kine ting dey wen do da place dey wen live befo time.

Smart Guys 27:22

One guy dat do bad kine stuff an dat no bodda him, You no can do notting, fo him no ack lidat. No matta you grind him up jalike food wit one poi pounda, No way you goin make um no do bad kine stuff.

Teacha 1:15

Get tings dat stay kapakahi, An no mo nobody can make um come strait. An tings dat no moa, No can count dem too!

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Jeremiah 2:22

“No matta you guys wash yoa pilau clotheses wit stuff fo make um clean, An use plenny soap, Still yet, I see you guys get da blame, Jalike you get one bad kine stain.” Dass da message from Da One In Charge, da Boss.

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

1 Samuel 19:21

Somebody wen tell Saul bout dem, an Saul sen mo guys. But dem, dey start fo make jalike dey guys dat talk fo God too. An one mo time, same ting happen!