Jeremiah 12:5 - Hawaii Pidgin Bible

⁵ Da One In Charge tell, “If you wen run one race agains odda guys, An dey make you come tired, How you goin run agains horses?! No way! If you stay shua you can handle ony wea da land stay safe, How you goin walk thru da thick bushes by da Jordan Riva?! No can!

Jeremiah 12:5 ပူးပေါင်းရင်းမြစ်များ

1 Records 12:15

Dey da guys dat wen go da odda side a da Jordan Riva high watta time March an April, wen da riva stay ovaflow. Dey make all da peopo dat live inside da Jordan valley run away da east side an da west side.

Songs 42:7

I feel jalike I stay Inside da real deep place Inside da middo a da ocean. Da watta make big noise, Soun jalike all da wattafalls You wen make. Da watta come all aroun me. Jalike all da big waves Dat you sen on top me.

Smart Guys 24:10

If you lose fight Wen get big kine trouble, Fo shua, you not real strong!

Smart Guys 3:11

I tell my boy, “No tink dass wase time Wen Da One In Charge tell you tings fo make you learn! No get wild Wen he presha you fo do da right ting!

Jeremiah 11:21

So dis da message from Da One In Charge bout da Anatot guys dat stay try fo kill me. Dey tell, “No talk fo Da One In Charge, o we goin kill you!”

Jeremiah 26:8

But wen Jeremiah pau tell all da stuff Da One In Charge tell him fo tell, da pries guys, da guys dat tell dey talk fo God, an all da peopo grab him, an tell, “You gotta mahke!

Jeremiah 36:26

Den da king tell Jerahmeel, one prince from da king ohana, Seraiah, Azriel boy, an Shelemiah, Abdeel boy, fo go arres Baruk da writa guy, an Jeremiah, da guy dat talk fo God. But Da One In Charge wen hide dem.

Jeremiah 49:19

“Me, Da One In Charge, I goin come Jalike one lion dat come outa da thick bushes by da Jordan Riva, An go by da fields wea da sheeps stay grind from long time. I goin chase da Edom peopo outa dea land real fas. Den I goin pick whoeva I like fo lead da Edom nation. You tink get somebody jalike me, o wat?! You tink get somebody can face me, o wat?! You tink get one leada guy dat can face me, o wat?! No ways!”

Jeremiah 50:44

Wen dat odda army come, goin be Jalike wen one lion come up From da bushes nea da Jordan Riva, An go one place wea get plenny grass an plenny sheeps. I goin chase da Babylon peopo outa dea land real quick. Who da guy I wen pick fo give um dat kuleana? Who da same jalike me? Who can tell me wat fo do? Da sheep guy no can handle dis lion, An dis lion, az me!

Joshua 3:15

(You gotta know dat da Jordan Riva stay big an run ova da sides, spring time, all da time da peopo stay harves food.) But dat day, da pries guys dat carry Da Box go da edge a da Jordan Riva, an dea feets go inside da watta.

1 Peter 4:12

My frenz, no come bum out if you suffa plenny. Dass fo tes you guys how you stay inside. No tink you da ony one dat suffa plenny lidat.