Jeremiah 12:3 - Hawaii Pidgin Bible

³ But you Da One In Charge, an you know me. You see wat I stay do, An you tes how I tink bout you. Drag dose guys away jalike dey sheeps ready fo da meat market! Pick dem fo kill, wen da time come fo kill dem!

Jeremiah 12:3 ပူးပေါင်းရင်းမြစ်များ

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Job 23:10

But still yet, he know wat way I pick. Wen he tes me, I goin come jalike pure gold.

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Songs 139:23

Eh, God! Check me out Fo see how I stay deep inside. Go tes me, an know wat tings I tink bout dat bodda me.

Songs 17:3

You look inside me, An you know how I tink. Nite time, you come by me Fo tes me An see if get anyting pilau inside me, So you know no mo notting wrong. I make up my mind fo no tink bad kine tings. No way notting pilau goin come outa my mout,

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 7:9

Cuz you da God dat do wass right erytime, An tes wat peopo tink An judge how dey stay inside. Make da peopo dat stay do bad tings, Fo no do um no moa! Make da peopo dat stay do wass right, Come strong an solid.

Jeremiah 15:15

Den I tell: “You Da One In Charge, you know how I stay. No foget me! You gotta take kea me. Pay back da peopo dat stay come afta me. No wait long time fo get mad wit dem. You gotta get me outa dis! You know how dey make me come shame Cuz I yoa guy.

Jeremiah 17:16

“But me, I neva bag from yoa sheeps Fo take kea dem. I neva like see da time come Wen nobody can handle wat you do to dem. An you, you know dat eryting I tell, I tell um in front you.

Jeremiah 17:18

“Da guys dat stay come afta me, I like you make dem come shame, But no make me come shame. Bum dem out, but no bum me out. Make bad kine stuff happen to dem, An bus um up, ova an ova!”

Jeremiah 20:12

Da One In Charge, you da God Ova All Da Armies. You tes da peopo dat do da right ting. You know how dey feel an how dey tink. I like see you pay back dose odda guys, Cuz I wen tell you eryting bout da problem I get.

Jeremiah 48:15

Da Babylon army guys Goin go inside da Moab towns An wipe dem out. Dey goin kill dea bestes young guys. Az wat me, Da One In Charge, oua King, da God Ova All Da Armies, tell.

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 51:4

Da Babylon guys goin fall down an mahke. Dey goin get poke wit spear all ova da streets.

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!

2 Peter 2:12

But dose teacha guys, dey like talk bad bout da kine stuff dey no undastan. Dey jalike da animals dat no can tink. Dey ony good fo somebody grab um an wipe um out. Dey goin come wipe out fo shua.