Jeremiah 11:16 - Hawaii Pidgin Bible

¹⁶ “Me, Da One In Charge, befo time I make peopo know you, Cuz you jalike one strong olive tree Dat get good kine olives! But wit plenny noise jalike az one strong storm I goin burn dat tree, An da branches goin broke.

Jeremiah 11:16 ပူးပေါင်းရင်းမြစ်များ

Job 8:16

Da peopo dat no tink bout God, Dey jalike one plant dat get plenny watta wen da sun shine. Az jalike da new branches dat come out all ova da garden.

Songs 52:8

Me, wen I stay inside yoa Temple, God, I stay grow strong Jalike one olive tree. I stay trus you, God, Cuz I know you stay tight wit me Foeva an eva.

Songs 80:16

Da odda peopos wen try Fo wipe out us guys, Jalike dey chop up yoa grape plant An burn um. I like fo dose peopo come wipe out. I like fo dem see Dat you stay huhu wit dem.

Songs 80:17

Go help da guy you wen pick Fo be yoa right hand guy, Da guy dass fo real, Cuz you make him strong fo help you.

Songs 83:2

Eh! Da diffren peopos Dat stay agains you, Dey stay amping out An making big noise. Da ones dat hate you, Dey make tantaran fo make Jalike dey goin bus you up.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Jeremiah 2:21

I wen make you guys come strong an solid, Jalike I plant you guys fo come da bestes kine grape plant, Da kine you stay shua goin make odda good plants erytime. So how come you guys wen bag from me, An come jalike one junk kine wild grape plant?

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Hosea 14:6

Da Israel peopo goin be jalike one tree dat get young shoots. Dey goin stay awesome jalike beautiful olive trees, An smell nice jalike da poplar tree.

Matthew 3:10

Awready get one guy wit one ax, all ready fo cut da tree roots. All da trees dat no make good fruit, he goin cut um, an throw um inside da fire.

John 15:6

Whoeva no stay tight wit me, dey jalike one branch dat no stay good. Dass da kine branch peopo throw out, an da branch dry up. Den dey go get all da odda dry branches, an throw um inside da fire fo burn.

Rules Secon Time 28:40

You guys goin get olive trees all ova yoa land, but you no goin use da olive oil cuz da olives goin fall down from da trees.

Jesus Show 11:4

Dese two guys, dey da two olive trees an da two stans fo lamp dat Zekariah wen tell bout inside da Bible. Dese guys, dey stay stan in front God, Da One In Charge a da earth.