Jeremiah 10:9 - Hawaii Pidgin Bible

⁹ Dey bring thin kine silva from Tarshish in Spain, An gold from Ufaz. Da guys dat know how fo make idol kine gods An put gold on top um, An put blue an purple clotheses on top um too.

Jeremiah 10:9 ပူးပေါင်းရင်းမြစ်များ

1 Kings 10:22

King Solomon get plenny big boats, da real big kine fo go all da way to Spain. He sen um wit da boats from Hiram. Ery three year, da big boats come back, wit gold, silva, an ivory, an all kine monkey.

2 Records 9:21

King Solomon get plenny Tarshish kine boats dat go fo trade, an da saila guys was Hiram guys. One time ery three year dey come back. Dey bring gold, silva, ivory, apes, an baboons.

Songs 115:4

Da idol kine gods Dat da odda peopos pray to, Dey ony statues dat peopo make Outa silva an gold.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Isaiah 23:6

Run away da odda side a da sea, to Spain! Cry an yell cuz you stay sad inside, You peopo from da islan dat still stay dea!

Isaiah 40:19

Da One In Charge, He not one idol kine god! Fo make one idol, One guy melt metal fo make um. Den somebody put gold all ova on top um An melt silva fo make chain.

Ezekiel 27:12

“ ‘Da Tarshish peopo from Spain come by you guys fo make trade cuz you get plenny stuffs. Dey trade dea silva, iron, tin, an lead fo da stuffs you get fo sell.

Ezekiel 27:7

You fly yoa sail, dat you make from embroidery kine linen from Egypt. Az jalike one flag fo you. You make yoa bimini covering from da blue an purple stuff From da Elishah coases Cyprus Islan.

Daniel 10:5

I look up, an ova dea in front me get one guy wit linen kine clotheses. He get one fancy gold belt aroun his wais.

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Jonah 1:3

But Jonah, he no lissen. He go da odda way fo dig out from Da One In Charge fo go Tarshish side (dass Spain, you know). He go down Joppa boat harbor an find one big boat dat goin go Tarshish. He pay da money fo go, an he go on top da boat fo go Tarshish wit da saila guys. He figga he can go far away from Da One In Charge.

Habakkuk 2:19

Bummahs, fo da guy dat tell one piece wood, ‘Go come alive!’ O tell one stone dat no can talk, ‘Wake up!’ You tink da wood can tell you wass good fo you do?! Da idol get gold an silva all ova, but no mo life inside.