Jeremiah 10:8 - Hawaii Pidgin Bible

⁸ Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Jeremiah 10:8 ပူးပေါင်းရင်းမြစ်များ

Songs 115:8

Da peopo dat make idol kine gods, Dey goin come jalike dose gods. Same ting fo all da peopo Dat stay trus dat kine gods.

Songs 135:18

Da peopo dat make da idol kine gods, Dey come jalike dea gods. An same ting fo da peopo Dat trus dat kine gods.

Isaiah 41:29

You know wat?! Dea idol kine gods, dey ony bulai! Wateva dey do, not importan. Dey jalike da wind, No mo notting inside!”

Isaiah 44:18

Dat kine peopo, dey donno notting. Dey no undastan notting. Jalike Da One In Charge put plasta ova dea eye So dey no can see notting An dey no can tink good.

Isaiah 44:19

Nobody stop fo tink. Nobody know o undastan. Dey no tell, ‘Wassup?! Half dat wood, I use um awready fo make fire. I even bake my bread on top da charcoal, An cook my meat an eat um. So, wot?! If I make one god from da odda half, Az pilau, dat! No good if I go down fo pray In front one piece wood!’

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 3:9

Da Israel peopo, no bodda dem wen dey go fool aroun in front da idol kine gods dat peopo make from stone an wood. Az why dey make da land pilau.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:4

Me, Jeremiah, I figga lidis: ‘Dese guys, dey pooa, dey no mo notting. But dey stay stupid, Cuz dey donno how Da One In Charge like fo dem live. Dey donno wat dea God tell Bout wass right an wass wrong.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.

Habakkuk 2:18

“Peopo carve tiki kine gods, But da idols no can do notting fo dem! One metal kine god ony can bulai! Da guy dat make um trus da ting he wen make! He make idol kine gods dat no can even talk.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.