Jeremiah 10:7 - Hawaii Pidgin Bible

⁷ Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 10:7 ပူးပေါင်းရင်းမြစ်များ

2 Kings 17:39

But fo me, yoa God, Da One In Charge, you gotta show plenny respeck! Cuz I da One goin get you guys outa trouble from all da peopo dat go agains you guys.”

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

Esther 1:13

Da king talk to da guys dat undastan eryting bout wass happening, cuz he do dat erytime he like know bout da rules fo wat he gotta do.

Songs 147:5

Oua Boss, he big! He real strong! He undastan mo plenny Den us can undastan!

Songs 22:28

Cuz you Da One In Charge! You da king! You da One dat get da right Fo be in charge a all da nations!

Songs 47:3

God make us Israel guys win Ova da odda nations, Fo make da odda peopos oua prisonas.

Songs 72:11

I like fo all da king guys Go down in front him. I like fo all da nations Stay his worka guys.

Songs 76:7

But you, God, Dey betta come sked a you! No mo nobody can go agains you Wen you had it wit wat dey stay do!

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Songs 89:6

Da One In Charge, no mo nobody Inside da sky dat stay like you! Even from da good spirits inside da sky, No mo nobody stay like you.

Outa Egypt 8:10

Da Pharaoh tell, “From tomorra.” Moses tell, “Goin happen jalike you tell. Dass fo make you know dat no mo nobody jalike Da One In Charge, oua God!

Outa Egypt 9:14

Fo dis time, I goin make mo big kine trouble fo yoa body, fo you, fo yoa palace peopo, an fo yoa odda peopo. Cuz a all dis, you goin know dat in all da world, no mo nobody can do wat I can do.

Isaiah 2:4

Wen diffren countries figga diffren kine bout someting, Da One In Charge goin be da judge dat tell who a dem stay right. He goin tell wat peopos stay right An wat peopos stay wrong. Den dey goin take dea swords, An make um come plows. Dey goin take dea spears, An make um come knifes fo prune da plants. Dat time, no mo country goin fight anodda country no moa. Dey no even goin know how fo fight an make war no moa.

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Daniel 2:27

Daniel tell, “No mo nobody can tell you dis ting you stay aks bout. Not even da smart guys, an da kahuna guys dat know how fo stop da bad kine stuff dat can happen to you wen somebody put kahuna on top you, o dat know how fo tell wat one dream mean, o dat look at da animal guts wen dey kill um fo make sacrifice, fo dem find out wass goin happen bumbye.

Daniel 2:28

But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Luke 12:5

But I show you who fo come sked bout—betta come sked a God, cuz he can kill yoa body an den he get da powa fo throw you inside Hell. Yeah, I tell you, he da One you gotta come sked bout!

1 Corint 8:6

But fo us guys, ony get one God, He oua Faddah. Eryting come from him, An us guys do eryting fo him. An ony get one Guy Dat Stay In Charge, Dass Jesus Christ. Wen God make eryting, Jesus da One wen do um, An us guys stay live Cuz Jesus give us da real kine life.

Joshua 4:24

He do dis fo all da peopos on top da earth know dat Da One In Charge get plenny powa! An he do um fo you guys stay sked a Da One In Charge an get respeck fo him all da time!”

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”