Jeremiah 10:13 - Hawaii Pidgin Bible

¹³ Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Jeremiah 10:13 ပူးပေါင်းရင်းမြစ်များ

Start 2:5

all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

1 Kings 18:41

Den Elijah tell King Ahab, “You go home now, fo eat an drink. Cuz soun jalike goin get heavy rain!”

Job 38:22

“You wen go inside da places wea I stash da snow? You wen see da places wea da hail stay?

Songs 104:13

God pour watta all ova da mountains From his palace inside da sky. Cuz a da tings God do, Da earth get all da watta she need.

Songs 135:17

Dey get ear, but dey no can hear notting. Dey no mo life, cuz dey no can breave!

Songs 135:7

Da One In Charge, he da one Dat make da clouds come up From da mos far place in da world. He make da lightning an da rain. He da One dat make da wind come From da place wea he keep um.

Songs 147:8

Da One In Charge, he da One Dat make da clouds cova da sky, An give da groun enuff rain, An him da one dat make da grass Come up all ova da mountains.

Songs 18:13

Da One In Charge make thunda come outa da sky Wen he yell wit one big voice. Da God Dass Mo Importan Den All Da Odda Gods,

Songs 68:33

Lissen to da One dat stay ride Inside da sky From da time he make da world Till now! Get powa, his voice!

Outa Egypt 9:23

Wen Moses put up his stick fo walk to da sky, Da One In Charge sen thunda an big kine hail. Had fire dat come down on top da groun too, dat time Da One In Charge wen make da big hail come down jalike rain on top da Egypt land.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 19:12

Me, Da One In Charge, dis wat I goin do to dis place an to da peopo dat live hea. I goin fill up dis town wit mahke bodies jalike Tofet Valley.

Jeremiah 5:24

Dey no talk jalike my peopo. Dey no tell: ‘Eh, we goin come sked an shake An get choke respeck fo oua God, dass Da One In Charge a us! He give da rain da right time hea, Novemba kine rain, an March kine rain. He make shua ery year get food ready fo harves.’

Jeremiah 51:16

Da thunda, az his voice, Da big noise from da watta inside da sky. He make da clouds come up From da mos far places on top da earth. He make da lightning come wit da rain He let da wind come outa his storage places.

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Zekariah 10:1

Tell Da One In Charge fo sen rain spring time. Cuz him da One dat make da clouds wit thunda. He goin sen rain showas fo da peopo. He make da plants grow good inside da fields fo erybody.