Jeremiah 10:12 - Hawaii Pidgin Bible

¹² Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Jeremiah 10:12 ပူးပေါင်းရင်းမြစ်များ

Start 1:1

Da time wen eryting wen start, God make da sky an da world.

Start 2:5

all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

1 Records 16:26

Cuz all da odda gods fo da diffren peopos, Dey ony idol statues. But was Da One In Charge Wen make da sky!

Job 26:7

God spread out da north sky ova one place wea no mo notting. He hang da earth wea no mo notting fo hold um.

Job 37:18

Kay den: You tink you can help God fo spread out da clouds, Wen da sky hard jalike one metal mirror, o wat?

Job 9:8

He da One dat stretch out da sky, An no need nobody fo help him. He walk all ova da waves inside da ocean Fo show he stay in charge dea too.

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Songs 119:90

Us guys dat stay alive right now Can trus you fo do wat you tell, An da peopo dat goin come From us guys bumbye Can trus you too. You wen set up da world how stay now, An you make um solid.

Songs 24:2

He wen make da world stay solid Ova da ocean, He wen set um up Ova da currents Dat run undaneat.

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Songs 65:7

You make da oceans come quiet, You make da surfs so no can hear um. Same ting fo all da noise Da diffren peopos make!

Songs 78:69

God wen build da Place Dat Stay Spesho Fo Him, Fo stay jalike his place Up dea inside da sky. God wen make his place solid Jalike da earth, Wit solid foundation foeva.

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Smart Guys 3:19

Da One In Charge, he know wat fo do erytime, An dass how come he make da world da right way. He wen put da sky wea he like Cuz he undastan da right way fo do um.

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Isaiah 37:16

“Eh! You, Da One In Charge! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.

Isaiah 40:22

God, da One stay live above da earth an da sky! Unda him, look jalike one big circle, An da peopo dat live dea, Fo him dey look jalike small grasshoppas. He da One stretch da sky jalike one big curtain, Jalike wen you spread out da cloth Fo set up da kine tent you goin live inside.

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Isaiah 45:12

I da One wen make da world. I wen make da peopo an put um on top dea. Was me, wen stretch out da sky Wit my hands. I tell eryting inside da sky wat fo do.

Isaiah 45:18

Az cuz Da One In Charge get dis spesho message, Da One dat wen make da sky, Da One dass God fo real kine! He da One wen plan an make da world. He make um solid. He neva make um so no mo notting dea. He make um fo peopo live dea. Dis wat Da One In Charge tell: “Me, Da One In Charge. No mo anodda one like me!

Isaiah 48:13

Me, wit my powa, I wen make da foundation fo da earth An spread out da sky an eryting inside dea. Weneva I call da earth an da sky, Dey all stan up.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Jeremiah 10:13

Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 27:5

Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

John 1:3

God wen make eryting, but da way he do um, he tell dis Guy fo do um. No mo notting dis Guy neva make.

Colosse 1:16

Jesus was in charge da time God make eryting— Inside da sky an inside da world, Da tings we can see an da tings we no can see, Da kings, da ones in charge a someting, Da leadas, da peopo wit powa. Eryting God like make, He make um fo Jesus, An Jesus wen do da work.