Jeremiah 10:11 - Hawaii Pidgin Bible

¹¹ Da One In Charge tell, “Tell dose peopos dis: ‘Dese idol kine gods, dat neva make da sky o da earth, dey goin come all wipe out from da earth an unda da sky.’ ”

Jeremiah 10:11 ပူးပေါင်းရင်းမြစ်များ

Songs 96:5

You know, da gods fo da odda peopos, Dey no mo powa notting, But Da One In Charge, He da One wen make da sky!

Isaiah 2:18

Da idol kine gods, God goin broke um down.

Isaiah 57:12

Me, I goin tell erybody Bout all da kine stuff you guys do, Cuz you guys tink you do da right ting. But all dat stuff no goin help you guys notting.

Jeremiah 10:15

Dey no worth notting. Can ony make fun a dem. Wen dey go stan in front da Judge, He goin wipe dem out.

Jeremiah 43:12

Me, Da One In Charge goin burn down da temples fo da Egypt gods, cuz Nebukadnezzar goin burn some a dea gods an make some a dea gods his prisonas. Jalike one sheep guy pick da ukus outa his clotheses, Nebukadnezzar goin pick out eryting he like outa da whole Egypt land! Den he goin get outa dea, an nobody goin hurt him.

Jeremiah 43:13

Ova dea inside da temple fo da sun god in da Egypt land, Da One In Charge goin bus up da big stones dat stay kapu fo dem, da stones dey wen set up fo poses fo dem pray in front dem. He goin burn down da temples fo da Egypt gods.’ ”

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 51:18

Da idol kine gods, no worth notting! Peopo make fun a dem. God da Judge goin wipe um out.

Sad Song 3:66

Go afta dem an wipe um out, cuz you stay huhu wit dem, So den dey no goin stay unda yoa sky, Da One In Charge!

Ezekiel 30:13

“ ‘Dis wat me Da One In Charge, da Boss, tell: I goin bus up da idol kine gods, an da no good statues dey pray to inside Memphis town. No goin get one prince ova da Egypt land no moa. I goin make erybody inside da land come sked.

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Jesus Show 20:2

He grab da Dragon, da snake dat wen stay from befo time. Dass da Devil, an dey call him Satan, Da One Dat Stay Agains God too. An da angel lock up da Devil wit one chain, an he stay dea fo one tousan year.

1 Samuel 5:4

But den, da nex morning wen dey get up, dey see Dagon stay fall down one mo time on his face, on top da floor in front Da Box Fo No Foget Da Deal Wit Da One In Charge! Dis time, Dagon head an his hands stay chop off, an stay ova dea on top da board unda da door. Ony da body stay by da place wea dey put da statue.