Jeremiah 10:1 - Hawaii Pidgin Bible

¹ Lissen wat Da One In Charge tell you Israel peopo.

Jeremiah 10:1 ပူးပေါင်းရင်းမြစ်များ

1 Kings 22:19

Den Mikaiah tell some moa: “Az why you betta lissen dis ting wat Da One In Charge tell! “I wen see Da One In Charge. He stay sit on top his throne. All da armies inside da sky, Dey stan aroun him, on da right side an on da lef side.

Songs 50:7

“Eh! You guys dat know me! Lissen up! You Israel ohana peopo! I goin tell da trut bout you guys! Me, I God— Da God fo you guys.

Isaiah 1:10

So, lissen wat Da One In Charge tell you guys, You leada guys dat ack jalike you from Sodom! Lissen wat oua God stay teach, You peopo dat ack jalike you from Gomorrah!

Isaiah 28:14

Cuz a dat, lissen wat Da One In Charge tell, You guys like laugh at God, You guys dat stay in charge a dis peopo inside Jerusalem!

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Jeremiah 10:2

Dis da message from Da One In Charge. Dis wat he tell: “No go learn how fo do stuff Da way da odda peopos do um. Dose peopos come all sked Wen dey see da star pichas inside da sky, But you guys, no let dat kine stuff make you guys sked.

Jeremiah 2:4

Lissen wat Da One In Charge tell, you Jacob peopo, all da ohanas inside da Israel house.

Jeremiah 22:2

‘You, da king fo da Judah peopo! Lissen up wat Da One In Charge tell. You da one from King David blood line dat get da right fo be king. You, yoa palace guys, an yoa peopo dat come inside dese gates—all you guys, lissen up!

Jeremiah 42:15

If dass how you guys figga, den lissen wat me Da One In Charge tell you Judah peopo dat still stay hea. Me, Da One In Charge, da God Ova All Da Armies, da God fo da Israel peopo, dis wat I tell: If az true wat you guys figga, an you still stay hard head an like go Egypt fo stay ova dea,

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Amos 7:16

“Eh Amaziah! Now, you gotta lissen wat Da One In Charge tell. You tell me, ‘No talk fo God bout da Israel ohana! No stay teach agains da Isaac ohana!’

1 Tessalonika 2:13

An we erytime tell God “Mahalo plenny” cuz a dis too: We wen tell you guys wat God tell, an you guys wen trus dat. You guys neva figga was ony wat peopo tell. Da stuff you guys wen trus was wat God tell, an dass fo real. An dass wat stay make you guys come diffren inside.

Jesus Show 2:29

If you can hear dis, you betta lissen an go do wat God Spirit stay tell da church peopo fo do!