Jeremiah 1:9 - Hawaii Pidgin Bible

⁹ Den Da One In Charge touch my mout wit his hand. He tell, “Dea! I give you da words from me fo tell awready!

Jeremiah 1:9 ပူးပေါင်းရင်းမြစ်များ

Isaiah 49:2

He make da stuff I tell, jalike one sharp sword. He hide me inside his hand wea nobody can see me. He make me jalike one shiny arrow dat he make sharp, An he hide me inside his arrow bag.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Isaiah 51:16

I wen tell you wat fo tell. I cova you wit da shadow from my hand. I put da sky up dea wea stay. I put down da foundation fo da earth. I tell da Mount Zion peopo, ‘You guys, my peopo.’ ”

Isaiah 59:21

Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

Jeremiah 15:19

Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!

Jeremiah 34:6

Jeremiah tell all dis to Zedekiah, da king fo da Judah peopo, inside Jerusalem.

Jeremiah 36:2

“Go get papyrus kine paypa fo make one roll up kine book. Write on top um all da messages I wen give you bout wat goin happen to Israel, Judah, an da odda peopos. Start from da time wen Josiah stay king an wen me start fo talk to you da firs time, till now.

Jeremiah 5:14

Az why Da One In Charge, da God Ova All Da Armies, tell dis to me, Jeremiah: “Cuz da peopo wen talk lidat, Dis wat I goin do: I goin put my words inside yoa mout. Wat you tell dem goin come out jalike one fire, An dese peopo, dey goin come Jalike da wood dat da fire goin burn up!”

Ezekiel 3:10

An he tell me, “You, Fo Real Kine Guy, eryting I tell you, lissen up! Learn um real good!

Daniel 10:10

Den somebody touch me an pull me up wit his hand, an put me on top my hands an knees, an I stay shaking.

Daniel 10:16

Den somebody dat look jalike one guy touch my lips. I open my mout an I can talk one mo time! I tell da one standing in front me, “Boss, cuz a wat I wen see, I no feel good inside, an I no can do notting!

Census 23:5

Da One In Charge put some words in Balaam mout fo tell Balak. He tell Balaam, “Da words I give you jus now fo tell Balak, go back by Balak an tell um dat.”

Matthew 10:19

Wen dey set you guys up lidat, no worry wat you goin tell o how you goin tell um. Ony tell wat yoa Faddah goin tell you right den an dea.

Mark 7:33

Jesus take him by da side wea neva have nobody. Den he stick his finga inside da guy ears, an spit, an touch da guy tongue.

Luke 12:12

Cuz dat time da Good An Spesho Spirit goin tell you guys wat fo tell.”

Luke 21:15

Cuz I goin give you guys wat fo tell, an I goin make you guys know wat fo do erytime, so da guys dat stan up agains you no goin know wat fo tell, an dey no goin show proof dat you guys wen do wrong.

Rules Secon Time 18:16

Cuz az wat you guys wen aks yoa God, Da One In Charge, fo do, dat time Mount Sinai side wen you guys stay all togedda. You guys wen tell, “No let us hear da voice from oua God, Da One In Charge, o no let us see dis big fire no moa! Bumbye us goin mahke!”

Rules Secon Time 18:17

Wen dey tell dat, Da One In Charge tell me, Moses, “Wat dey tell stay good.

Rules Secon Time 18:18

I goin bring one guy from yoa peopo, dat talk fo me to da Israel peopo, jalike you, Moses. I goin tell dat guy wat fo tell, an he goin tell dem eryting I tell him.