Jeremiah 1:19 - Hawaii Pidgin Bible

¹⁹ Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Jeremiah 1:19 ပူးပေါင်းရင်းမြစ်များ

Songs 129:2

Da Israel peopo tell, “Az right! From da time us guys Come one nation, All da time peopo Presha us guys plenny! But dey neva ovathrow us!

Jeremiah 1:18

Today, I make you come strong, Jalike one big town wit one strong wall, Jalike one iron pos, An jalike one bronze wall. You goin stan face all da peopo Inside da whole land! You goin go agains da Judah kings an military guys, Da pries guys an da peopo dat live dea.

Jeremiah 1:8

An no sked a dem wen you go in front dem! Cuz I stay tight wit you, an I goin get you outa trouble. I Da One In Charge, an dass wat I tell you!”

Jeremiah 11:19

Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Jeremiah 11:21

So dis da message from Da One In Charge bout da Anatot guys dat stay try fo kill me. Dey tell, “No talk fo Da One In Charge, o we goin kill you!”

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Jeremiah 2:1

Get one message come from Da One In Charge fo me:

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 26:8

But wen Jeremiah pau tell all da stuff Da One In Charge tell him fo tell, da pries guys, da guys dat tell dey talk fo God, an all da peopo grab him, an tell, “You gotta mahke!

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 39:17

But me, Da One In Charge, I tell dis: Wen dat happen, fo shua I goin get you outa dea! I no goin turn you ova to da guys dat you stay sked of.

Jeremiah 42:11

No sked a da Babylon king, no matta you guys stay sked a him now. Me, Da One In Charge, I tell dis: No sked him, cuz I stay wit you guys fo get you outa trouble. He no goin get powa ova you.

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Daniel 3:25

He tell, “Look! I see four guys stay walking aroun inside da fire. Dey no stay tie up, an dey no stay hurt. An da numba four guy, he look jalike one a da gods!”

Census 14:9

But eh! No go agains Da One In Charge! An no sked da peopo inside da land, you guys! Cuz us guys goin win ova dem. Da One In Charge take away da shadow dat proteck dem awready, but he stay wit us guys. No sked dem!”

Jesus Guys 26:17

I goin proteck you from yoa peopo an from da guys dass not Jew guys, so dey no kill you. I goin sen you

Joshua 1:9

I neva tell you awready? You gotta come real strong an no lose fight fo shua! No sked notting, an no come bum out! Cuz me, yoa God, Da One In Charge, I goin stay wit you wea eva you go.”