Jeremiah 1:18 - Hawaii Pidgin Bible

¹⁸ Today, I make you come strong, Jalike one big town wit one strong wall, Jalike one iron pos, An jalike one bronze wall. You goin stan face all da peopo Inside da whole land! You goin go agains da Judah kings an military guys, Da pries guys an da peopo dat live dea.

Jeremiah 1:18 ပူးပေါင်းရင်းမြစ်များ

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Jeremiah 1:17

“Get ready fo work hard, Jeremiah! Stan up fo tell dem eryting I tell you fo tell. No sked dem! Cuz if you sked dem, Den I goin make you come real sked in front dem!

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Jeremiah 15:10

Den I tell: “Bummahs! Cuz my muddah wen born me Fo be da kine guy dat dis whole land like fight me An fight bout me. But I neva len nobody notting, An nobody borrow notting from me. Still yet, dey all like put kahuna on top me!”

Jeremiah 15:20

I goin make you come jalike one bronze wall Dat dese peopo no can broke down. Dey goin make war agains you, But dey no goin win ova you. Cuz I stay wit you Fo get you outa trouble. Dass me, Da One In Charge, tell you dis!

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 21:4

‘Dis wat Da One In Charge, da God fo da Israel peopo, tell: You know da swords an odda tings fo fight dat you guys carry, dat you guys use fo fight da king fo Babylon an da Babylon army guys? I goin take dose tings, an use um fo hurt you guys! Da Babylon army guys stay outside yoa wall all aroun yoa town, Jerusalem, but I goin bring um all inside da middo a dis town!

Jeremiah 26:24

But Ahikam, Shafan boy, he get da powa fo back up Jeremiah, so he no let da peopo grab um fo kill um.

Jeremiah 34:3

An you, Zedekiah, you no goin run away from Nebukadnezzar. His guys goin catch you an bring you by him. Dey goin bring you in front da Babylon king an you goin talk wit him. Den you goin go Babylon side.

Jeremiah 37:7

“Dis wat Da One In Charge, da God fo da Israel peopo, tell: Da Judah king wen sen you guys by me fo me find out wass goin happen. Tell um dis: ‘You know wat?! Pharaoh army guys, dat wen come outa Egypt fo help you guys, dey goin go back dea land, Egypt side!

Jeremiah 38:18

But if you no goin give up to da officer guys fo da Babylon king, den dis town goin go to da Babylon guys, an dey goin burn um down. An no ways you goin get away from dem!’ ”

Jeremiah 38:2

“Dis wat Da One In Charge tell: ‘Whoeva stay inside dis town goin mahke cuz a da war, cuz no mo food, o cuz a da real bad kine sick. But whoeva go outside Jerusalem town by da Babylon guys, dis wat goin happen: dey goin stay alive!’

Jeremiah 42:22

So now, dis fo shua: You guys goin mahke from da war, from no mo food, an from da real bad kine sick inside Egypt, da place wea you guys figga az one nice place fo go stay!”

Jeremiah 6:27

Da One In Charge tell: “Eh Jeremiah, I make you jalike one guy dat melt real hot metal. Fo tes if da metal get junks inside o no mo junks inside. My peopo, dey jalike da metal you goin melt. So you goin watch wat dey do Fo tes how dey ack.”

John 1:42

Den he bring Simon to Jesus. Jesus look at um an tell, “You Simon, an yoa faddah John, aah? but not da Baptiza guy. From now peopo goin call you ‘Cefas.’ ” (Dat mean “Peter,” o “Da Rock,” in dea language.)

Jesus Show 3:12

Whoeva fight an win, I goin make dem strong Jalike da main pos inside da temple fo my God. Dey no goin eva leave da temple one mo time! I goin write my God name on top dem, An da name fo God big town, da new Jerusalem. Dat place goin come down from da sky wea God stay. An I goin write my new name on top dem.