Jeremiah 1:15 - Hawaii Pidgin Bible

¹⁵ I stay ready fo call all da peopo fo come From da kings inside da lands on da north side.” Dass da message from Da One In Charge. “Da north side kings goin come put dea thrones ova hea, Outside da gates fo Jerusalem town. Dey goin come attack all da walls aroun Jerusalem. An all da odda towns inside Judah.

Jeremiah 1:15 ပူးပေါင်းရင်းမြစ်များ

Isaiah 22:7

Yoa bestes kine valleys Get plenny war wagon. Da army guys dat ride horse Stay watch by da gate fo da town.

Jeremiah 10:22

You know wat?! Get news: One big army stay coming From da land north side! Soun jalike one earthquake! Da army stay come Fo bus up all da Judah towns, Fo ony da jackal kine wild dogs live hea.”

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 13:20

Look, you Jerusalem guys! You no can see Da army guys dat stay come from da north side, o wat?! So! Wea da peopo Da One In Charge tell you fo take kea dem?! Dey jalike uku pile a sheeps An you guys wen talk big bout dem!

Jeremiah 25:28

But if dey no like take da cup from you an drink um, tell um, ‘Dis wat Da One In Charge, da God Ova All Da Armies, tell: No matta you no like drink um, you guys gotta drink um!

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 33:10

Dis wat Da One In Charge tell: “You guys still goin hear stuff bout dis place. Peopo talk bout how stay all bus up, an no mo peopo o animals. But inside da towns Judah side an da Jerusalem streets dat befo time stay all bus up an no mo peopo o animals ova dea,

Jeremiah 34:1

Get anodda message fo Jeremiah from Da One In Charge. Dat time, had Nebukadnezzar da Babylon king, an his army guys outside Jerusalem town. Same time had odda king guys unda him wit dea army guys dat come wit Nebukadnezzar. All dose peopo stay fight da Jerusalem peopo, an da peopo inside all da towns aroun dea.

Jeremiah 34:22

I tell dem right now fo come back Jerusalem town. Dey goin fight um an burn um up. I goin wase da towns Judah side fo no mo nobody live ova dea.’ ” Dass wat Da One In Charge tell.

Jeremiah 39:3

Den all da leada guys fo da Babylon king come inside dea. Dey put dea headquarters by da Middo Gate. Had Nergal-Sharezar from Samgar, Nebo-Sarsekim, one a da main govmen guys, da odda Nergal-Sharezer, one importan leada, an all da odda officer guys fo da Babylon king.

Jeremiah 4:16

‘Tell da diffren peopos fo watch out! Make shua da Jerusalem peopo hear dis too: “Army guys stay come from one far place. Dey goin camp all aroun da towns an watch! Den wen time fo attack da Judah peopo, Dey goin make big noise agains da Judah towns.

Jeremiah 4:6

Put up da flag fo tell oua guys run Zion side! Run dea fo stay outa trouble now! No jus stan dea! Cuz I da one goin bring big trouble from da north side. Dey goin wipe out you guys.

Jeremiah 43:10

Den tell da Judah guys, ‘Dis wat Da One In Charge, da God Ova All Da Armies, da God fo da Israel peopo, tell: Dis wat I goin do. I goin bring my worka guy Nebukadnezzar, da king fo Babylon, ova hea. I goin put his throne on top dese stones dat I wen bury hea. He goin put up his canopy ova da throne fo make tantaran.

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Jeremiah 46:24

Dey goin make da peopo dat live inside da small towns Egypt side come shame. Da guys from da north goin take dem ova.” Dass wat Da One In Charge tell.

Jeremiah 5:15

Da One In Charge tell, “Eh, you Israel ohana peopo! I goin make one peopo from far away Come attack you guys. Dey was dea from long time. You guys donno dea language. An you guys no undastan wat dey talking.

Jeremiah 6:22

Dis wat Da One In Charge tell: “Look! Get army guys stay come from da north side. Peopo from da mos far part a da world Stay make ready fo war.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 5:11

Guys rape da wahines inside Jerusalem, An da young girls dat neva sleep wit one guy inside da Judah towns.

Ezekiel 32:30

All da princes from da north side, an all da Sidon peopo stay dea too. Dey wen go down wit da ones dat get kill. Befo time, dey make erybody come sked cuz dey strong. But now, dey shame. Dey lay down dea wit da odda guys dat no mo da mark from God, an dey get kill wit swords. Dey get shame, jalike da odda peopo dat go down inside da Deep Dark Hole.

Joel 2:20

“Da army guys dat like come agains you guys from da north side, I goin push dem far away from you guys. I goin make dem go inside one dry land wea eryting stay all bus up. Da ones in front goin go inside da Big Salt Lake, An da ones in da back goin go inside da Mediterranean Sea. Dey goin mahke an come haunas.” Fo shua, Da One In Charge do awesome tings!

Zekariah 6:6

Da war wagon wit da black horse goin go da north land. Da wagon wit da white horse goin go da west side. Da wagon wit da horse wit spots goin go da south land.”