James 5:9 - Hawaii Pidgin Bible

⁹ Eh my braddahs an sistahs, no grumble bout each odda. Bumbye Jesus da Judge goin check you guys out. He stay ready fo come back!

James 5:9 ပူးပေါင်းရင်းမြစ်များ

Start 4:7

If you do wass good, Den you can stay good inside. But if you no do wass good, Den jalike da bad kine stuff Stay wait right dea Fo take ova you. Jalike one wild animal Stay wait by da door fo kill you. But you gotta take charge An no let da bad kine stuff take ova you!”

Songs 59:15

Dey go all ova fo look Fo someting fo grind, An if dey no eat enuff, Dey goin make big noise.

Ezekiel 7:12

Now, da time come awready! Da guy dat buy stuff betta not throw party cuz he get um cheap, an da guy dat sell stuff betta not ack jalike he stay sad inside cuz he pay too much. Cuz I stay huhu, an I goin give all dem guys lickins.

Prieses 19:18

“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.

Matthew 24:33

Same ting, wen you guys see all dis stuff happen, den you goin know, I stay come an eryting stay ready.

Mark 13:29

Same ting, wen you guys see all dis stuff happen, den you goin know, I stay come, an eryting stay ready, jalike I outside da door.

1 Corint 10:11

All dat stuff wen happen to da Israel peopo fo show us guys someting, you know. Dey wen write um all down fo us guys learn wat kine stuff us betta not do, cuz da end a da world time stay coming!

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

2 Corint 9:7

All da guys gotta figga how much fo give. No good somebody get one “I no like give!” kine attitude wen he give um. No mo nobody suppose to make um give. Cuz God get plenny love an aloha fo da guy dat give wit one good heart an feel good inside.

Galatia 5:14

Da Bible tell, “Get love an aloha fo da odda guy, jalike you get love an aloha fo you.” If you guys do dat, den you goin do eryting da Rules From God tell you fo do.

Galatia 5:26

No get big head. No try make da odda guy like beef. No try be mo betta den da odda guy.

James 4:11

My braddahs an sistahs, no talk bad bout each odda. If one guy talk bad bout one braddah, an make jalike he da one fo judge his braddah, dass mean same time he stay tell dat da Rules from God no stay good, cuz dey tell he no can judge his braddah. He tink he da judge fo him tell dat da Rules no good. If you tell da Rules no good, den you no goin do wat da Rules tell you fo do. You ack jalike you know how fo make one mo betta Rule den God make, but you donno how.

James 4:12

Ony get da One God dat make da Rules, an he da ony Judge! He da same One dat can take kea you o can kill you, you know. So! Who you tink you, fo tell da odda guy no good?

James 5:10

Eh my braddahs an sistahs! Tink bout da guys dat wen talk fo Da One In Charge long time befo time. Dey wen suffa plenny, but dey wen hang in dea. So, make jalike dem.

James 5:7

But eh, my braddahs an sistahs! Hang in dea, till Da One In Charge, Jesus, come back. Tink bout da farma guys. Dey wait fo dea plant fo come up outa da groun, you know. Dey gotta hang in dea from da time dey put da seed inside da groun, till get da firs rain, to da las rain.

1 Peter 4:5

Bumbye dey goin stan in front God da Judge an tell him how come dey wen make lidat. God stay ready fo dem. You know, erybody gotta stan in front him, da guys dat stay alive an da guys dat wen mahke.

1 Peter 4:9

Give da peopo from anodda place one place fo stay an no grumble bout um.

Jesus Show 3:20

Lissen up! I stay ova hea. I stay stand outside da door an knock. Whoevas hear my voice, an open da door, I goin go inside his place, an eat wit him, an he goin eat wit me.’ ”