James 5:16 - Hawaii Pidgin Bible

¹⁶ So den, if you wen do someting bad, go tell each odda wat kine tings you wen do. Pray fo each odda, fo you come good. Da guy dat get um right wit Da One In Charge an do wass right, wen he pray he get da powa an can do plenny.

James 5:16 ပူးပေါင်းရင်းမြစ်များ

Start 19:29

Dass wat wen happen da time God wipe out da towns all ova da Siddim Valley. But God no foget da ting Abraham wen aks um fo do, an he get Lot ohana outa dea befo he wack da towns, da place wea Lot wen live.

Start 20:17

All da time Sarah stay Abimelek house, Da One In Charge neva let da wahines dea come hapai, cuz a Sarah. Den Abraham pray to God fo Abimelek peopo. Az why afta Abraham pray to God, God make Abimelek an his wife come good fo born kids, an same ting fo all da slave wahines inside Abimelek house.

Start 20:7

Wat you gotta do, you gotta give da wahine back to her husban. He one guy dat talk fo me, you know. Den he goin pray fo you, fo you stay alive. But if you no like give her back, you goin mahke fo shua, you an all yoa peopo.”

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

2 Samuel 19:19

He tell, “Eh, my boss da king! No tink you gotta punish me, aah?! You da Boss! Try foget how me, yoa worka guy, wen do da wrong kine ting, da time you, my boss da king, wen go outa Jerusalem. I like you, da king, no tink mo bout um, aah?

1 Kings 13:6

King Jeroboam tell da guy dat know God, “Aks yoa God, Da One In Charge, fo make good to me! Pray fo me, so my arm come back okay!” So da guy dat know God aks God fo make good to da king. Da king arm come back okay one mo time, jalike how was befo time.

2 Records 30:20

An Da One In Charge lissen Hezekiah, an no let da peopo come hurt.

Job 42:8

So now, you guys gotta take seven young bulls an seven rams, an go by my worka guy Job. Den make one burn up kine sacrifice fo you guys ova dea. My worka guy Job goin pray fo you guys, an I goin lissen wat he pray. Den I no goin give you guys one hard time fo da stupid kine stuff you guys wen do agains me. You guys neva tell wat stay shua bout me, da way my worka guy Job tell um.”

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Outa Egypt 17:11

Erytime Moses hold up his arms, da Israel army guys start fo win, an erytime Moses put his arms down, da Amalek peopo start fo win.

Outa Egypt 9:33

Afta Moses go way from da Pharaoh guy, he go outside da town. He put up his hands fo pray to Da One In Charge. No mo thunda an da hail an big rain no fall on top da land.

Smart Guys 15:29

Da One In Charge stay far away from da bad kine peopo, But wen da peopo dat do wass right pray, He lissen.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 28:9

Wen somebody make deaf ear An no lissen da Rules from God, Wen da guy pray to God, God goin tell, “Bummahs! No good, wat you tell me!”

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Census 11:2

Da peopo yell to Moses fo help um. He pray to Da One In Charge, an Da One In Charge pio da fire.

Matthew 21:22

Wen you guys pray, eryting you go aks God fo do, trus um jalike you get um awready, an dat goin happen.”

Matthew 3:6

Dey stay tell dey sorry fo all da kine bad stuff dey wen do, an he baptize dem in da Jordan Riva.

Mark 1:5

All da peopo from Judea side an Jerusalem town, dey go da boonies fo lissen John. Dey tell um fo real kine all da bad kine stuff dey wen do, an he baptize um inside da Jordan Riva.

Luke 9:6

So da guys go out an go from one small town to anodda, an dey teach da Good Stuff From God, an make da sick peopo all ova da place come good.

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

Jesus Guys 10:38

An God give Jesus from Nazaret his Good An Spesho Spirit an powa. Jesus go all ova da place, an do da good kine stuff. Da Devil take charge a plenny sick peopo wit his powa, but Jesus even make dem all come good. Jesus do dat cuz God stay wit him.

Jesus Guys 19:18

Plenny peopo dat trus Da One In Charge now, come fo tell erybody all da bad kine stuff dey wen do.

Jesus Guys 8:24

Den Simon tell Peter an John, “You can pray to Da One In Charge fo me, o wat? Fo all dis stuff dat you tell no happen to me?”

Rome 3:10

Jalike da Bible befo time tell, “No mo nobody dat do da right ting erytime. No mo even one guy!

Rome 5:19

Dis mean, Adam, he one guy dat neva lissen God. Dat make plenny peopo do da bad kine stuff dat God no like fo dem do. An da odda guy Jesus, he lissen wat God tell him fo do. Dat make plenny guys come peopo dat get um right wit God.

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

1 Tessalonika 5:17

No matta wat happen, make time fo talk to God erytime.

1 Tessalonika 5:23

Kay den, God, he make us guys come so notting bodda us. I like God make you guys come good an spesho fo him; an make you guys stay clean inside—spirit, heart, body, eryting! Den nobody can poin finga you, from now till Da One In Charge a us guys, Jesus Christ, come back.

1 Tessalonika 5:25

Eh, my braddahs an sistahs! Go aks God fo help us guys.

Hebrews 11:4

Befo time, had one guy Abel. He wen trus God, an dass how come his sacrifice was mo betta den da sacrifice his braddah Cain wen give God. Cuz Abel wen trus God, az why God tell Abel stay get um right wit God, an dat Abel, he give God one good kine sacrifice. No matta Abel stay mahke awready, jalike he still yet stay talk to us guys cuz he wen trus God.

Hebrews 11:7

Noah, he wen trus God. Az why God tell um, “Watch out! Bad stuff goin happen, da kine stuff dat nobody eva see yet!” Noah wen get plenny respeck fo God. Dass why he make one big boat fo take his ohana guys outa da big flood. He trus God, an dat show dat da odda peopo inside da world do bad kine stuff. But Noah, he wen get um right wit God cuz he trus God.

Hebrews 12:13

An, “Go make strait roads fo you walk. Cuz if you walk kapakahi kine,” dat kine road goin help you come strong bumbye.

Hebrews 13:18

Pray plenny fo us guys. We stay shua dat inside us stay good an we no mo shame. An erytime we like live da right way.

Joshua 10:12

Dat time Da One In Charge make da Israel guys win ova da Amor guys. Joshua tell Da One In Charge in front da Israel peopo, “I like da sun fo wait an no go down yet ova Gibeon. Same ting fo da moon ova da Aijalon Valley.”

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

1 John 3:22

An we get from God wateva we tell him fo do fo us, cuz us do wat he tell us fo do. We do wat he like.

1 Samuel 1:12

Hannah pray long time in front Da One In Charge. Eli stay watch her. He watch her mout move,

1 Samuel 12:17

You guys know dat da time fo harves da wheat stay now, an no mo rain dis time. But today, I goin aks Da One In Charge fo sen thunda an rain. I like you guys see dat, an know az real bad wen you guys aks fo one king, cuz az da way Da One In Charge see um too!”

1 Samuel 12:18

Den Samuel pray to Da One In Charge, an dat same day Da One In Charge sen thunda an rain. So den, all da peopo come plenny sked a Da One In Charge an Samuel.