James 4:14 - Hawaii Pidgin Bible

¹⁴ Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

James 4:14 ပူးပေါင်းရင်းမြစ်များ

2 Samuel 19:34

But Barzillai tell da king, “I donno how plenny mo year I goin stay alive fo go Jerusalem wit you, da king, aah?

Songs 102:3

Eh! Da time fo me stay alive, almos pau, Jalike da smoke dat come an go. Jalike I stay burn up inside, Jalike my bones stay burn On top one hot fire.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Songs 39:5

Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Songs 78:39

Cuz he tink lidis: “Aah, dey ony peopo. Dey jalike da wind, Dat blow but no come back!”

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Smart Guys 27:1

No talk big bout wat you goin do tomorra. Cuz you donno wat goin happen den.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 38:12

God take my body away from me Jalike one sheep guy broke down his tent. I stay roll up my whole life, Jalike one guy dat stay weave someting, Wen he pau, he roll um up, An jalike God cut me off da frame fo weave. God, morning time I stay okay, But befo nite time you make my life pau.

James 1:10

Da rich braddah, he can feel good inside too, cuz he know dat da rich kine stuffs he get no goin stay foeva, an he goin mahke too, jalike da wild flowa dry up.

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

1 John 2:17

Dis world an all da stuff da peopo like get, dat goin pau. But da guy dat do wat God like him fo do, he goin live fo real foeva!