James 3:9 - Hawaii Pidgin Bible

⁹ Wit da mout we tell Da One In Charge a us guys, da Faddah, how good he stay, aah? But still, wit da same mout we put kahuna on top da peopo, no matta God wen make dem jalike him.

James 3:9 ပူးပေါင်းရင်းမြစ်များ

Start 5:1

Dis da ohana lis a da peopo dat wen come from Adam. Da time God wen make da peopo, he make um fo be jalike him, jalike one copy.

Start 9:6

“Whoeva go make somebody bleed an mahke, Somebody gotta make dem bleed an mahke too. Cuz God wen make da peopo Jalike dey one picha, Fo look jalike him, same same.

2 Samuel 16:5

Wen King David come nea Bahurim town, get one guy from da Saul ohana, come outa da town. His name Shimei, Gera boy. Wen he stay come out, he yell fo God put kahuna on top da king fo hurt him.

2 Samuel 19:21

But Zeruiah boy Abishai tell da king, “Now stay good fo kill Shimei fo all dis, aah? Cuz he wen like put kahuna on top you, da one Da One In Charge wen pick!”

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

Songs 10:7

Dey put kahuna on top peopo, Dey bulai, Dey put presha on peopo. Dey ony mout, so pilau wat dey tell, Dey talk ony bout how fo do bad kine stuff.

Songs 108:1

Eh God! Inside I stay solid! I stay solid inside! I all ready fo sing An go all out fo make music!

Songs 145:1

You da God fo me! You da King! I goin tell erybody dat you da one! All da time, I goin tell peopo Wat kine god you, Dat you do good tings!

Songs 145:21

Me, I goin tell good tings Bout Da One In Charge! I like fo eryting dat stay alive, Tell bout da good tings he do fo dem, Cuz dey know wat kine god him, Dat he stay good an spesho, An all dat goin be lidat, foeva!

Songs 16:9

Dass how come, I stay real good inside, An I feel inside jalike I throw party! Fo shua, wen my body stay res, No mo notting bad goin happen to me.

Songs 30:12

Cuz you wen do dat, Now eryting inside Sing bout how good you stay. Dass why inside me I no stay quiet. Eh! You Da One In Charge! You da God fo me! I goin tell good tings bout you, All da time!

Songs 34:1

All da time, I goin tell peopo How Da One In Charge give me Da powa fo do wat he like fo me do. All da time I goin tell Good tings bout him.

Songs 35:28

Den, wit my mout, I goin talk Bout how you erytime do da right ting. All day, I goin tell peopo Dat you da greates!

Songs 51:14

Eh God! Let me go, an hemo my shame, Cuz I wen set up one guy fo mahke! Eh God! You my God, Da One dat get me outa trouble! Az why I can make big noise An let erybody know Bout how you erytime Do da right ting!

Songs 57:8

I like wake up An make ready my small harp An my bass harp, An get up befo da sun come up.

Songs 59:12

Wat come outa dea mout Show dey do bad tings. Cuz dey talk big an bulai, An try fo put kahuna on top odda peopo, Dey goin get trap fo dat.

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Songs 63:4

Cuz a dat, I goin tell erybody Dat you do good tings fo me All da time I stay alive. I goin put up my hands Fo show you love an respeck Cuz I know wat kine god you.

Songs 71:24

All day, I goin talk plenny bout How you do da right ting erytime. Cuz da peopo dat wen look fo me Fo do bad tings to me, Dey shame now, an lose face!

Teacha 7:22

Cuz you know dat plenny time You wen talk bad bout odda peopo too.

Isaiah 29:13

My Boss tell: “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do.

Matthew 26:74

Peter swear plenny, an den he tell, “I like fo God punish me if I no tell you da trut. I donno who him!” Right den an dea, da roosta crow.

Matthew 5:44

But I stay tell you guys dis: Show love an aloha fo da guys dat hate you! An aks God fo help da guys dat make you suffa!

Jesus Guys 2:26

Az why I stay real good inside Wen I tell peopo bout him. No matta I goin mahke, I know I can res an wait fo God,

Rome 3:14

Wit dea mout Dey erytime talk bad fo hurt somebody, Cuz az how dey stay inside.

1 Corint 11:7

Try tink bout dis: Da man betta not cova up his head, you know. Cuz God wen make da man look jalike him, an da man show how awesome God stay. An da wahine show how awesome da man stay.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.

James 3:10

Wit da same mout we talk good bout God, an wit da same mout we put kahuna on top da peopo. How come, my braddahs an sistahs? Az not how suppose to be! No ways!

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

Local Leadas 9:27

Wen harves time come, da Shekem guys all go out inside dea fields, an bring in da grapes, an step um fo make wine. Den dey make one big party inside da temple fo dea god. Wen dey stay eat an drink, dey put plenny kahuna on top Abimelek.