James 2:26 - Hawaii Pidgin Bible

²⁶ So den, da body, if no mo spirit inside, stay mahke. Same ting, if you ony trus God, but you no do good tings, den eh! jalike you mahke inside awready, you no mo da real kine life inside you.

James 2:26 ပူးပေါင်းရင်းမြစ်များ

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Songs 146:4

Dat kine guy, Bumbye he no goin breave no moa, He goin go back inside da groun. Right den an dea, Eryting da guy plan fo do Goin come poho.

Teacha 12:7

O oua body go back inside da dirt wea we come from, An oua spirit go back by God dat give um to us.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Luke 23:46

Jesus yell real loud. He tell, “Faddah! I give you my spirit!” Wen he tell dat, he mahke.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

James 2:14

Eh, my braddahs an sistahs! So, wat? If one guy ony tell he trus God, but he no do wat God tell um fo do, you tink dass enuff fo da guy get outa da bad kine stuff he awready stay in? No way! He ony stay trussing God wit his mout!

James 2:17

Same ting, if somebody ony tell he trus God, but same time he no do notting, da buggah no trus God fo real kine, he ony mout!

James 2:20

Wot! You pupule o wat?! If you trus God, but den, you no do good tings, az no good. You tink I gotta show proof a dat, o wat?