James 2:22 - Hawaii Pidgin Bible

²² You no can figga? Abraham wen trus God, an he wen do someting too—he put Isaac on top da altar. An dis ting he do help him fo trus God to da max.

James 2:22 ပူးပေါင်းရင်းမြစ်များ

Start 22:12

Da One In Charge tell um, “Put down da knife, no hurt da boy! No do notting to um. You was ready fo kill um cuz az wat I tell you fo do! But now, I know fo shua dat you get awesome respeck fo me, yoa God. Cuz you neva even hold back from me da ony boy you get, az why.”

John 6:29

Jesus tell, “Dis wat God like you guys fo do: Trus me, cuz I Da Guy God Wen Sen.”

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

1 Tessalonika 1:3

We no foget da way you guys do all kine stuff cuz you trus Christ, an da way you guys work real hard cuz you get love an aloha fo him, an da way you guys hang in dea cuz you stay shua dat Da One In Charge a us guys, Jesus Christ, he goin come back. An God oua Faddah, he know all dis stuff too cuz he see eryting you guys do.

James 2:18

But somebody goin tell: “You trus God, but I do plenny good tings.” I goin tell dat guy: “Eh! How come you tink lidat? You no can show proof dat you trus God, if you ony talk, but you no stay do good tings. Ony get one way you goin know dat I stay trus God—wen I stay do good tings! Den you goin know fo shua dat I trus God.”

1 John 2:5

But whoeva do wat God tell um fo do, dey show dey get plenny love an aloha fo God. Da love an aloha stay come good to da max inside dem. Dass how we know we stay tight wit God.