James 2:10 - Hawaii Pidgin Bible

¹⁰ Dis wat I mean: Anybody dat do eryting God tell his peopo dey gotta do, but ony jam up one ting, dey still wen broke all da Rules From God, you know.

James 2:10 ပူးပေါင်းရင်းမြစ်များ

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”

Galatia 5:3

Now I goin tell erybody one mo time: Whoeva cut skin fo dem get um right wit God, dey gotta do eryting da Rules tell fo come good.

Rules Secon Time 27:26

“Da Levi guys goin tell: ‘God goin punish da guy dat no show respeck fo all dese rules cuz he no do eryting wat dese rules tell!’ “All da peopo goin tell: ‘Az right!’ ”

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

2 Peter 1:10

So den, my braddahs an sistahs, go all out mo den befo time fo show dat God wen pick you guys. He wen tell you fo come be his guys, an you guys wen do um. Now, make shua you guys live lidat. Den you guys no goin come all jam up, eva.

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.