James 1:26 - Hawaii Pidgin Bible

²⁶ If one guy tink he erytime do wat God like, but no hold back his mout, his religion wase time, cuz he stay fooling ony him!

James 1:26 ပူးပေါင်းရင်းမြစ်များ

Job 15:13

How come you talk jalike you stay huhu wit God?! How come you let dat kine talk come outa yoa mout?!

Job 30:11

God make um now so I no can fight, An make me come notting! Wen dey stay in front me, Dey go buckaloose!

Songs 141:3

Eh! Da One In Charge, I like you make shua Notting bad come outa my mout! Proteck eryting I tell.

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

Songs 34:13

Make shua you no tell notting bad. Make shua you no bulai nobody Fo get someting from dem.

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Smart Guys 10:31

Da peopo dat do da right ting erytime, wen dey talk, Dey help peopo learn wat fo do. But da peopo wit da bulai mout, Dey goin come all wipe out one time.

Smart Guys 14:12

Get some way dat look jalike az da right way fo you go, But bumbye you goin go da Mahke Peopo Place.

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 16:10

Wen da king talk, Az cuz he know wat God like um fo do. Dass why no good he jam up An no judge peopo da right way.

Smart Guys 16:25

Get some way dat look jalike az da right way fo all dem go, But bumbye dey goin end up inside da Mahke Peopo Place.

Smart Guys 19:1

Mo betta you no mo notting, An peopo trus you, Den if you donno notting an easy fo you bulai peopo, An talk real pilau kine stuff.

Smart Guys 21:26

All day, dey greedy fo get stuff. But da guys dat do wass right erytime, Dey give away stuff an no hold back.

Isaiah 1:13

No bring me one sacrifice dat no mean notting! Da incense you guys burn fo me stay smell haunas. You guys come togedda ery month an ery week But I no like da kine meetings you guys make, Cuz dey ony bad.

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Malakai 3:14

You guys tell, “Ony wase time, work fo God! Wat we goin get from dat?! Notting! Us guys do all da religious kine ceremonies fo God awready, an now, us stay make real sad face in front Da One In Charge, Da God Ova All Da Armies.

Matthew 15:9

Dey go down an pray to me, But dey ony wase time, Cuz dey ony teach da stuff odda peopo tell um fo do.” ’ ”

Mark 7:7

Dey go down an pray to me, But dey ony wase time. Wat dey teach, Dass ony wat some peopo tell we gotta do.’ ”

Luke 8:18

Tink! You gotta lissen good! Da guy dat lissen good goin undastan plenny, but da guy dat no lissen good, God goin take away eryting he tink he know.”

1 Corint 15:15

Plus, dat make peopo tink us wen bulai wen we tell peopo how God stay. Cuz dis wat we tell um bout God: “He wen make Christ come back alive afta Christ mahke!” Dass wat we tell um. Us no bulai no moa, you know. But if az true, dat da mahke peopo no can come back alive, den soun jalike az true wat dose guys tell. Dey tell dat wen Christ wen mahke, God neva make Christ come back alive. But dey wrong!

1 Corint 15:2

If you guys hang in dea wit da Good Stuff From God dat I wen tell you guys awready, dass how you guys goin get outa da bad kine stuff. But if you guys no hang in dea, den wat you guys wen learn from da Good Kine Stuff From God, all goin be fo notting!

1 Corint 3:18

No make jalike you know eryting! If you tink you know an undastan eryting jalike all da peopo tink nowdays, dat mean, you donno notting. Wen you figga you donno notting, dass wen you goin start fo learn.

Galatia 2:6

But da guys dat look jalike dey da importan leadas, dat no bodda me, cuz God no mo favoratism bout how peopo look. No mo notting dem guys wen add fo make wat I teach mo betta.

Galatia 2:9

James, Peter, an John, dey da importan leadas fo da church peopo. Wen dey figga dat God do plenny good stuff fo me, dey shake hands wit me an Barnabas fo show dat all us guys stick togedda. An we all tell da same ting: dey goin go by da Jews, an we goin go by da peopo dass not Jew guys.

Galatia 3:4

You tink all da stuff you guys wen suffa was fo notting, o wat?! O was good fo someting?

Galatia 6:3

If one guy tink he big wen he not big, dat guy, he ony bulai him.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Efesus 5:4

No go talk pilau kine o stupid kine. No make pilau kine joke cuz dat kine talk not good, you know. Mo betta tell da tings God wen do fo you guys. Tell da stuff dat make you guys like tell God “Mahalo plenny!”

Rules Secon Time 11:16

“Make shua you no go afta notting dat turn you away from God. No work fo odda gods an go down in front dem an show dem respeck.

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

James 1:19

Eh, my good frenz! No foget dis: You guys know dis stuff awready. Weneva you hear somebody talk, erybody gotta lissen real good firs befo dey talk. Az how dey no get all huhu real fas.

James 1:22

An no ony lissen da tings God tell. You guys gotta do um! Cuz if you ony lissen an no do notting, you ony stay bulai you.

James 2:20

Wot! You pupule o wat?! If you trus God, but den, you no do good tings, az no good. You tink I gotta show proof a dat, o wat?

1 Peter 3:10

Cuz da Bible tell, “Whoeva like live one good life, An be jalike dat ery day, He gotta no talk bad bout stuff, An no bulai o scam nobody,