James 1:15 - Hawaii Pidgin Bible

¹⁵ Cuz firs we tink, “Eh, I like do um,” an den we go do um. Jalike da hapai wahine too, she no can stop da bebe wen ready fo come. Same ting, us still yet do da bad kine stuff. An dass wat goin cut us off from God.

James 1:15 ပူးပေါင်းရင်းမြစ်များ

Start 2:17

Ony one tree—da Tree Dat Get Fruits Dat Can Make You Know Wass Good An Wass Bad, no eat da fruit from dat. Cuz wen you eat dat fruit, den you goin get cut off from me, an you goin mahke inside fo shua!”

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Job 15:35

Da bad guys tink how fo make trouble. Az why dey do bad kine stuff. An dey make ready fo bulai odda peopo.”

Songs 7:14

You know wat? Da bad kine peopo, Dey jalike wen one wahine come hapai, Den go born da bebe. Dey tink how fo do bad tings, An tink how fo make trouble happen, Den dey go bulai peopo.

Songs 9:17

All da peopo dat do bad tings, I like dem go way to da Mahke Peopo Place, All da diffren peopos dat ack jalike God no matta!

Smart Guys 11:19

Da peopo dat do da right ting erytime, Dey goin live fo real kine. Da peopo dat go all out fo do bad kine stuff, Dey goin mahke.

Isaiah 33:11

You Assyria guys, you get big kine plan, But az ony junk kine. You tink fo do plenny, But da wind blow um away. Wen you guys stay breave, Goin come jalike one fire, An da fire goin burn up you guys.

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Matthew 26:14

Den Judas Iscariot, one a Jesus twelve guys, go talk to da Main Pries guys.

Matthew 5:28

But I stay tell you guys dis: Whoeva look at one wahine an like fool aroun her, he do um awready inside.

James 1:14

Az oua fault wen we start fo tink, “Eh, I like do bad kine stuff!” Cuz da bad kine tinking pull us all ova. We come jalike da fish dat go afta da bait.

James 1:18

God wen plan dis fo us: He tell us guys wass true. Az how he give us his kine life. From all da tings he wen make hea inside da world, he make us guys spesho kine, jalike us da bestes fruits, da kine dat da farma guy pick firs fo make present to God.