James 1:14 - Hawaii Pidgin Bible

¹⁴ Az oua fault wen we start fo tink, “Eh, I like do bad kine stuff!” Cuz da bad kine tinking pull us all ova. We come jalike da fish dat go afta da bait.

James 1:14 ပူးပေါင်းရင်းမြစ်များ

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

Job 31:27

I no go down in front dem jus cuz dey awesome, Fo show dem love an respeck, But I no tell nobody I do dat.

Job 31:9

“I neva get da hots fo one wahine dat not my wife. I neva sneak by da door fo fool aroun wit one wahine dat live nea me.

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Hosea 13:9

“You Israel peopo, somebody goin wipe you out Cuz you stay agains me, An I da ony One can help you guys.

Matthew 15:18

But wateva come outa da mout, come from inside. Dass wat make you pilau inside so you no can pray.

Matthew 15:20

All dat bad kine stuff, dass wat come from inside. Dass why peopo stay pilau inside an dey no can pray. But if get one guy dat no wash his hands da right way, an den he eat, dat no goin make um pilau inside.”

Matthew 4:1

Afta dat, God Spirit take Jesus to da boonies, fo da Devil try presha him fo make um do bad kine stuff.

Matthew 5:28

But I stay tell you guys dis: Whoeva look at one wahine an like fool aroun her, he do um awready inside.

Rome 7:11

Da Rules tell how I gotta ack. But inside me jalike da Rules dat God tell jam up wat I figga cuz I like do bad kine stuff. Cuz a dat, jalike was da Rules dat wen cut me off fo no get um right wit God.

Rome 7:13

You tink was da Rules dat stay good cut me off fo no get um right wit God? No was da Rules! Was da bad kine stuff inside me dat show I wen broke da Rules. Dass wat cut me off from God! Da Rules stay real good, an dey show dat da bad kine stuff stay bad fo real kine. An dass how us guys get cut off an no get um right wit God. So wen God tell us guys how we gotta ack, dat show dat da bad kine stuff inside us guys az no good!

Efesus 4:22

Dey teach you guys dis: No make jalike how you guys was befo time wen you was all pilau inside. You guys wen go all out fo do da kine stuff dat make you guys come all hamajang an make you bulai fo get wateva you like get.

Hebrews 3:13

Mo betta do dis: all you guys give each odda good kine words an do dat ery day. Cuz now, da “Today” God stay talk bout befo time inside da Bible, dass fo us guys today too. An cuz a dat, no mo nobody from you guys goin get hard head cuz now you no do bad kine stuff. Cuz da bad kine stuff jam up how you tink.

James 1:13

Wen you get presha fo do someting bad, an you tink, “Eh, I like do dat!” no go tell, “God da One stay make me do dat.” No mo nobody can make God do bad kine stuff, an even moa, he no goin make nobody do bad kine stuff.

James 1:15

Cuz firs we tink, “Eh, I like do um,” an den we go do um. Jalike da hapai wahine too, she no can stop da bebe wen ready fo come. Same ting, us still yet do da bad kine stuff. An dass wat goin cut us off from God.