James 1:11 - Hawaii Pidgin Bible

¹¹ Da sun come up an come real hot, an make da plant dry up. Den da flowa fall down, an da plant no look nice no moa. Same ting fo da rich braddah—he stay work fo make his money, but jalike da flowa, he goin mahke.

James 1:11 ပူးပေါင်းရင်းမြစ်များ

2 Samuel 22:46

Dey lose fight, all dose peopo from odda countries. Dey come outa da places wea dey hide fo no mahke, An dey sked an shaking!

Songs 102:11

Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 102:4

I stay all bus up, Jalike da grass Wen peopo step all ova um, Jalike inside, I stay all hamajang. Da way I feel, I even foget fo eat,

Songs 103:15

Da peopo, dey live ony short time, Jalike da grass. Dey no stay long time. Jalike wen da wild flowa come out,

Songs 37:2

Cuz dey goin dry up fas Jalike da grass. Dey goin mahke jalike da green grass.

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Songs 90:6

Jalike wen da sun come up, Get new flowa, But befo da sun go down, Da grass come all junk an dry up.

Teacha 5:15

Erybody come outa dea muddah naked. An afta dey mahke, dey naked one mo time. Dey no take notting from wat dey wen make.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 28:4

Dat town, da army guys goin take um ova An rip off eryting, No matta da place stay look Jalike one nice looking flowa, On top a da Samaria hill, An stay jalike one real nice haku lei Dat stay come all dry up, Ova one valley wea eryting grow good! Dat town, goin be jalike one fruit dat come ripe early An somebody see um, An right den an dea, Dey grab um an eat um.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Matthew 13:6

Wen da sun come up, da plants burn, an dry up, cuz no mo deep root.

Matthew 20:12

Dey tell, ‘Eh, dis not right! Da las guys wen work ony fo one hour, but den you give dem da same pay, jalike you give us. Us wen bus ass all day, even inside da hot sun!’

Matthew 6:30

Da grass inside da field stay grow today, but tomorra dey goin throw um inside da fire. God give da grass clotheses lidat, so garans he goin give you guys clotheses. You guys ony trus God litto bit!

Mark 4:6

But wen da sun come up, da plants dry up cuz no mo deep root.

1 Corint 7:31

o if you use da stuff from dis world, o if you let um go, no big ting. Cuz da way da world stay now, goin all pau.

1 Peter 1:4

Wen one faddah mahke, he leave stuffs he wen promise fo give his kids. Same ting Jesus, he make good tings ready fo us in da sky. Da stuff he goin give us no goin come wipe out, o come pilau, o come all pau.

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.