Isaiah 9:3 - Hawaii Pidgin Bible

³ God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Isaiah 9:3 ပူးပေါင်းရင်းမြစ်များ

Nehemiah 9:23

You give dem plenny kids, Jalike da plenny stars inside da sky. You wen bring dem inside da land. Az da same land Dat you wen tell dea ancesta guys fo take ova.

Job 12:23

God make some peopos come importan, o he wipe um out. He make peopos take mo plenny land, o he scatta um.

Songs 107:38

God do good tings fo dem, An dey come choke plenny peopo. God no cut down da numba a dea animals.

Songs 119:162

Me, I stay real good inside Cuz I know wat you wen promise fo do. Dat make me feel Jalike I find one big treasure.

Songs 4:7

You make me stay good inside wen you smile nice kine, Mo betta den peopo stay inside, Wen dea fields get plenny wheat an plenny grape.

Isaiah 10:26

Dat time, Da One In Charge, Da God Ova All Da Armies, Goin bring somebody fo wack da Assyria guys wit one whip, Jalike befo time, wen he let Gideon win Ova da Midian guys at da Oreb Rock. Jalike da time da peopo come outa Egypt, An Moses hold out da stick fo walk Ova da Red Sea.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 14:5

Da Babylon king guys dat do real bad kine stuff Wen bus up us guys wit dea club. But da ones dat take ova us guys, An wack us wit dea stick, Now Da One In Charge broke dea stick.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 26:15

Da One In Charge, you wen give oua nation mo plenny peopo, An dat show dat you stay awesome. You even give us mo big land.

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Isaiah 55:12

Bumbye, wen you guys leave fo come back ova hea, You guys goin dance an sing. God goin lead you guys out, An eryting goin come good fo you. Jalike da mountains an hills Goin sing loud in front you guys, An all da trees in da fields goin clap dea hands.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 61:7

Befo time, you guys had shame. Bumbye, you goin get double da stuffs you get befo time. Befo time, nobody respeck you guys. Bumbye, yoa peopo goin yell cuz dey feel good inside. So, yoa peopo goin own double da land, An dey goin dance an sing all da time Cuz dey feel good inside.

Isaiah 65:14

My worka guys goin yell plenny, Cuz dey stay good inside. But you guys goin cry plenny, Cuz you stay sad inside, An moan, cuz inside, you donno wat fo do.

Isaiah 65:18

So now, stay good inside all da time, Wen you tink bout wat I goin make! Cuz I goin make Jerusalem da kine place Dat make you stay good inside wen you dea. An I goin make da Jerusalem peopo da kine peopo Dat make you like dance an sing wen you wit dem.

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Jeremiah 31:7

Dis wat Da One In Charge tell: “Yell, cuz you stay good inside, Bout how da peopo dat come from Jacob stay! Yell fo da nation dass mo importan den all da odda nations! Let erybody hear dat you tell good stuff bout Da One In Charge. Tell: ‘Da One In Charge, get yoa peopo outa trouble, All da Israel peopo dat stay alive still yet.’ ”

Hosea 4:7

Wen get mo plenny pries guys, Dey ony do mo plenny bad kine stuff agains me. Dey trade dea awesome kuleana fo shame kine stuff.

Prieses 26:13

I yoa God, Da One In Charge. I wen bring you guys outa Egypt, so you guys no gotta be slaves fo da Egypt peopo no moa. I wen broke da yoke dey wen put on top you guys neck fo you guys walk an no hang yoa head an no need come shame.

Zekariah 10:8

I goin make one signal fo dem come, An bring da Efraim peopo togedda. I goin pay da price fo get um outa trouble, An dey goin come mo an mo plenny jalike befo time.

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Zekariah 8:23

An one mo ting: Dis wat Da One In Charge, Da God Ova All Da Armies, tell: “Dat time, fo ery Jew guy, goin get like ten odda guys from odda languages an peopos goin grab hold a his robe, an tell um, ‘Eh! Us guys like go wit you! Cuz us guys wen hear dat God stay wit you!’ ”

Luke 11:22

But if one mo bigga moke come, an bus him up, he goin take away da knifes an clubs. Da firs moke wen trus da knifes an clubs, but da mo bigga moke goin rip off all da stuffs, an split um up wit his guys.

Jesus Guys 8:8

So erybody inside dat town come real, real good inside.

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

Local Leadas 5:3

“Hear dis, you king guys! Lissen, you leada guys! I goin sing fo Da One In Charge. I goin sing! I goin make one mele fo Da One In Charge, Da God fo da Israel peopo.

Local Leadas 7:22

Wen da three hundred trumpets make noise, Da One In Charge make da Midian guys inside dea camp attack each odda wit dea swords. Dea army guys run away to Bet-Shittah nea Zerarah to da edge a Abel-Meholah, nea Tabbat.

Local Leadas 8:12

So Zebah an Zalmunna, da two Midian king guys, run away fas, but Gideon guys chase um an catch um. An Gideon dem make all da Midian army guys run all ova da place.

1 Samuel 30:16

So da Egypt guy take David dem down. Wen dey get dea, get Amalek guys all ova, eating, drinking, an partying up, cuz get all kine stuff dey wen rip off from da Filisha land an from da Judah land.