Isaiah 9:20 - Hawaii Pidgin Bible

²⁰ Ova one side, dey goin steal food an eat, But still yet dey hungry. Ova hea one side, dey eat stuff, But dey no come full. Dey even goin eat dea kids.

Isaiah 9:20 ပူးပေါင်းရင်းမြစ်များ

Teacha 4:5

Peopo tell: Da stupid guys no work notting. Wen dey do dat, dey ony come hamajang.

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Isaiah 14:30

Even da mos pooa ones from my peopo, Da ones dat no mo notting, Dey goin find food. An my peopo dat get hard time cuz dey need stuff, Dey goin lay down an res, an nobody goin hurt dem. But you Filisha peopo, Yoa mos importan guys goin mahke, Cuz I no let um get notting fo eat. An you odda guys dat still stay alive, You all goin mahke too cuz no mo food.

Isaiah 3:1

Den Isaiah tell, “Look! Da Boss, Da One In Charge, Da God Ova All Da Armies, He goin take away all da stuff From da peopo inside Jerusalem an Judah, All da stuff dey need fo take kea dem, All da food fo eat an da watta fo drink.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Isaiah 51:19

Dese two bad tings wen happen To you Jerusalem guys, No mo nobody fo help you Fo wat wen happen, An you feel sore inside. You guys stay all bus up, An wipe out, An no mo notting fo eat, An dey kill you guys wit swords. How I can give you guys good kine words Fo make you feel good?! No can!

Isaiah 8:21

Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 19:9

Da Jerusalem peopo goin snap. Az cuz da guys dat stay agains dem an like kill dem goin put dea army guys all aroun outside da town an no let um go get food. Dat time, I goin make dem kill dea boys an girls an eat um. Dey goin eat each odda too.’

Sad Song 4:10

Even da wahines dat get love an pity Cook dea kids. Dey even eat dem, Wen my peopo come all bus up an wipe out.

Micah 6:14

You guys goin eat, but you no goin come full. You guys still yet goin stay hungry erytime. You guys goin stash stuff, But you guys no can keep um long time. Cuz wateva you guys get, I goin let odda guys bus um up wit swords.

Zekariah 11:9

I tell um, “I no goin take kea you guys sheeps no moa. Da sheeps dat stay die, let um mahke. Da sheeps dat stay come wipe out, let um come wipe out. Da sheeps dat still yet stay alive, dey can eat each odda.”

Mark 3:24

Da ohana dat go agains each odda no can stay strong. Da country dat go agains each odda ony bus up dea country.