Isaiah 9:19 - Hawaii Pidgin Bible

¹⁹ Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Isaiah 9:19 ပူးပေါင်းရင်းမြစ်များ

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 13:13

“Dass why I goin make da sky shake An da groun goin move from da place he stay, Cuz dass da time dat me, Da One In Charge, Da God Ova All Da Armies, I still had it, an I no goin take wat da peopo do.

Isaiah 13:18

Dey goin use bow an arrow Fo kill young guys from Babylon. Dey no goin pity da small bebes. O look at yoa kids wit aloha!”

Isaiah 13:9

“Look! Da One In Charge, his day stay come fo judge da peopo! Wen dat happen, he no goin give chance notting. He still stay huhu, An he had it wit da bad kine stuff peopo do. He goin make da land wea no mo notting dea, An goin wipe out all da peopo dea dat stay do bad kine stuff.

Isaiah 24:6

Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Isaiah 4:4

My boss goin clean up All da pilau kine stuff da Jerusalem wahines wen do. Jalike he goin wash clean da Jerusalem peopo Cuz dey wen make plenny oddas bleed an mahke. His Spirit goin be dea judge An jalike wit one fire, he goin clean out all da bad kine stuff.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 5:30

“Dat time, wen da army guys come dis land, Dey goin make big noise Jalike wen da ocean stay poun. If anybody go look da land, Dey goin see dat eryting stay dark An erybody get big trouble. Even da day time goin come dark cuz a da clouds.”

Isaiah 60:2

Look! All ova da world stay dark, Jalike da dark cloud stay cova all da diffren peopos. But Me, Da One In Charge, I da One stay bring da light fo you guys. Wen peopo see how awesome you guys stay, Dey goin know az me, God, make you awesome lidat.

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Ezekiel 20:47

Tell da trees dat grow in da south side: ‘Lissen wat Da One In Charge, da Boss, tell: You know wat?! I almos ready fo start one fire on you dass goin burn you all up, green trees an dry trees same same. An da fire no goin pio, an ery tree from da north side to da south side goin burn down.

Ezekiel 9:5

Da One In Charge tell da odda guys someting. I hear dem. He tell, “Go follow da guy wit da box. He goin go inside Jerusalem. Go kill erybody ova dea. No pity dem. No hold back.

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Joel 2:3

In front dem, da fire burn up eryting. Behind dem, da fire burn too. In front dem, da land stay jalike da place God wen plant, Eden side. Behind dem, da land stay wasted jalike da boonies. No mo notting get away from dem.

Prieses 26:26

Wen I take away da food from you guys, ony goin need one oven fo ten wahines bake litto bit bread fo dea ohana, cuz goin get ony litto bit flour. Dey goin bring back da bread fo you guys an weigh um so erybody get same same. You guys goin eat, but you not goin get enuff.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Obadiah 1:18

Da Jacob ohana goin be jalike one fire. Da Joseph ohana, same ting. An da Esau ohana goin come jalike da junk kine stuffs from da wheat. Dey goin burn up jalike da junk kine stuffs. No mo nobody goin stay alive From da Esau ohana.” Az wat Da One In Charge tell.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Micah 7:6

Da boys even talk jalike dea faddahs stupid. Da girls go agains dea muddahs. Da daughtah-in-laws go agains dea muddah-in-laws. Da guys dat go agains you Dey come from yoa ohana.

Zekariah 11:6

Da One In Charge tell, “Same ting wit me—I no goin show pity fo da peopo dat live inside dis land no moa. You know wat?! I goin let da king an all da oddas grab eryting dey can from erybody. Dey all goin jam up da land. An I no goin get nobody outa trouble from da odda peopos.”

Zekariah 11:9

I tell um, “I no goin take kea you guys sheeps no moa. Da sheeps dat stay die, let um mahke. Da sheeps dat stay come wipe out, let um come wipe out. Da sheeps dat still yet stay alive, dey can eat each odda.”

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Matthew 27:45

Noon time get real dark all ova da place fo three hour.

Jesus Guys 2:20

Da sun goin come dark, An da moon goin come red jalike blood. Dat goin happen Befo da big an awesome Day Wen God, Da One In Charge, come fo judge all da peopo.

2 Peter 2:4

You know, befo time had angel messenja guys dat wen do bad kine stuff, an God da Judge neva let um go. He wen throw dem down inside Hell, an tie um up wit chains fo make dem stay inside da Deep Dark Hole. Bumbye dey gotta stan in front God.