Isaiah 9:18 - Hawaii Pidgin Bible

¹⁸ Cuz wen somebody do bad kine stuff, Az jalike wen get one big fire. All da thorns an da grass burn, An all da trees burn too, Wit plenny black smoke dat go up in da sky.

Isaiah 9:18 ပူးပေါင်းရင်းမြစ်များ

1 Kings 16:21

Dat time, da Israel peopo wen go take sides. Half a dem like Tibni, Ginat boy, fo come king, an da oddas like fo Omri stay king.

Songs 37:20

But da peopo dat do bad kine stuff, Dey goin come wipe out. Da guys dat go agains Da One In Charge, No goin get dem no moa, Jalike da grass inside da valley No mo wen da fire come.

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Songs 83:14

Jalike da fire burn da whole fores O burn up stuff all ova da mountains,

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 27:4

I no stay huhu wit my peopo no moa. If get peopo dat ack jalike Thorns an stickas Dat come up inside one grape farm, I goin attack um an burn um all up!

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Isaiah 33:12

Da diffren peopos goin burn Jalike wen you pile up coral rock an wood An burn um slow fo make lime fo plasta. An jalike wen you cut down plenny thorn bush An dey burn real fas.

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 50:11

But, all you odda guys dat make fire An put arrows dat burn inside yoa arrow bag, Go walk in da light from da fire you guys wen make An da burning arrows you wen light. Da ony ting you guys goin get from me, Goin be dis: Bumbye wen you guys lay down, You goin suffa plenny!

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Hosea 13:3

Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Joel 2:20

“Da army guys dat like come agains you guys from da north side, I goin push dem far away from you guys. I goin make dem go inside one dry land wea eryting stay all bus up. Da ones in front goin go inside da Big Salt Lake, An da ones in da back goin go inside da Mediterranean Sea. Dey goin mahke an come haunas.” Fo shua, Da One In Charge do awesome tings!

Joel 2:3

In front dem, da fire burn up eryting. Behind dem, da fire burn too. In front dem, da land stay jalike da place God wen plant, Eden side. Behind dem, da land stay wasted jalike da boonies. No mo notting get away from dem.

Amos 7:4

“Anodda time, dis wat Da One In Charge a me wen show me. Was jalike one dream: Da One In Charge a me stay make ready fo punish da peopo wit fire, da kine fire dat even dry up da big watta. Now, dat fire stay ready fo burn up all da fields too!

Obadiah 1:18

Da Jacob ohana goin be jalike one fire. Da Joseph ohana, same ting. An da Esau ohana goin come jalike da junk kine stuffs from da wheat. Dey goin burn up jalike da junk kine stuffs. No mo nobody goin stay alive From da Esau ohana.” Az wat Da One In Charge tell.

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Hebrews 6:8

But if dat groun grow ony da kine bushes wit stickas an junk kine stuff, dat land no good! Bumbye God tell, “Wipe um out an burn um up!”

Jesus Show 14:11

Da smoke from da fire wea dey stay suffa goin go up in da sky foeva an eva. Erybody dat go down an pray in front da Wild Animal an his statue, o get da mark fo his name on top dem, dey no goin res day time o nite time, eva!