Isaiah 9:17 - Hawaii Pidgin Bible

¹⁷ Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Isaiah 9:17 ပူးပေါင်းရင်းမြစ်များ

Job 15:34

All da peopo dat ack jalike God no mean notting, Dey no goin get peopo dat come from dem befo dey mahke. Da guys dat take unda da table kine money, Dea tents goin burn up.

Songs 109:12

No let nobody make nice to him O do good tings fo his kids Afta dey no mo faddah.

Songs 147:10

So, wat you tink make Da One In Charge Feel good inside?! You tink how strong yoa horses?! O how fas yoa army guys run?! O wat?!

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 13:18

Dey goin use bow an arrow Fo kill young guys from Babylon. Dey no goin pity da small bebes. O look at yoa kids wit aloha!”

Isaiah 14:20

Dey no goin bury you guys, Jalike dey bury all da odda king guys, Cuz you wen jam up yoa land, An kill yoa peopo. Bumbye, nobody goin talk bout yoa blood line, Cuz all you Babylon king guys Stay do ony wass bad!

Isaiah 24:5

Da whole world, Jalike stay pilau awready Cuz a da peopo dat live dea. Az cuz dey no do da stuff God wen teach um, An broke da Rules— Da deal God wen make wit dem foeva.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Isaiah 31:2

But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 31:3

Still yet, da Egypt guys, dey ony peopo. Dey not God. Dea horses, dey ony animals, Dey not spirits. Wen Da One In Charge put up his hand fo bus um up, Da guys dat help dem, Jalike dey goin trip. An da guys dey help, Jalike dey goin fall down. All a dem goin come wipe out togedda.

Isaiah 33:11

You Assyria guys, you get big kine plan, But az ony junk kine. You tink fo do plenny, But da wind blow um away. Wen you guys stay breave, Goin come jalike one fire, An da fire goin burn up you guys.

Isaiah 33:12

Da diffren peopos goin burn Jalike wen you pile up coral rock an wood An burn um slow fo make lime fo plasta. An jalike wen you cut down plenny thorn bush An dey burn real fas.

Isaiah 40:30

Even da teenage guys get tired an wore out, An da young guys trip an fall down.

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Isaiah 62:5

Jalike one young guy take one wahine fo come his wife, You Jerusalem guys goin take Jerusalem town. Jalike one young guy feel good inside bout his bride, Yoa God goin feel good inside bout you guys.

Isaiah 65:19

I goin stay good inside Wen I tink bout Jerusalem! I goin feel real good bout my peopo! Nobody dea goin feel sad, o get presha. Az why dey no goin cry no moa.

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Isaiah 9:21

(An dis wat I mean: Da Manasseh ohana goin eat da Efraim ohana, An da Efraim ohana goin eat da Manasseh ohana. An togedda, dey goin eat da Judah ohana.) An Da One In Charge stay huhu wit da Israel peopo still yet, An he stay ready fo bus um up.

Jeremiah 18:21

So make dea kids mahke cuz no mo food! Let dem get kill in da war! Make dea wifes come widows An lose dea kids too! Make dea guys mahke from da real bad kine sick! Kill dea young guys wit swords wen dey go war!

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Ezekiel 20:33

Me, Da One In Charge, da Boss, tell dis: Cuz me Da One In Charge, fo shua I goin be da king ova you Israel guys, wit one strong hand, an plenny powa, an I goin show dat I stay huhu.

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.

Amos 8:13

“Dat time, even da good looking young girls an da young guys goin pass out cuz dey so thirsty fo hear wat Da One In Charge tell.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Zekariah 9:17

Da peopo a Da One In Charge, Dey goin be good looking an beautiful! Da wheat an barley goin make da young guys strong. An da new wine goin make da young wahines beautiful.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Matthew 16:3

Early morning time, you guys tell, ‘Goin get bad weather today cuz red da sky an dark da clouds.’ You guys know how fo figga da weather from da sky, but you guys no can even figga wat stay happen nowdays.