Isaiah 9:15 - Hawaii Pidgin Bible15 (You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.) အခန်းကိုကြည့်ပါ။ |
Isaiah 9:15
44 ပူးပေါင်းရင်းမြစ်များ
You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”
Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!
But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.
You guys kill peopo an dey bleed an mahke, Jalike yoa hands stay dirty wit blood. God goin punish you guys fo all da kine stuff you do, An jalike yoa fingas get dirt all ova um From da tings you wen do Dat God goin punish you fo. You guys talk all bulai kine tings. You guys ony talk bout tings dass not right.
No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.
Dis bout da guys dat talk fo God. I tink bout Da One In Charge An all da tings he tell cuz he good an spesho. An den I tink bout da guys dat tell dey talk fo God. Make my head come all hamajang inside. Me, jalike my body come real weak. I stay jalike I piloot, Jalike one guy dat no can handle notting, from drink wine.
Yoa guys dat suppose to talk fo God, Dey ony see plenny stuff dass stupid an worth notting! Dey no show up da bad kine stuff dat you guys stay do, Fo you guys change, An no come prisonas dat gotta go one far place. Da stuff dey tell you guys dat dey see fo you, Az wrong, an make you guys tink eryting goin come good!
You guys make my peopo tink I one pilau kine god. Dey tink dey can make me do stuff if dey pay you guys two-three handful a barley an one small piece bread. Az why you wen kill da peopo dat not suppose to mahke, an you let da peopo stay alive dat not suppose to stay alive. Az how you guys bulai my peopo an dey lissen you.
You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.
An I goin make erybody tink you guys pilau, an make you guys come shame. Cuz wit you guys, no mo nobody do da tings da way I tell um fo do um! Wen you guys teach da peopo wat da Rules From God mean, you tell um diffren kine fo diffren peopo!” Dass wat Da One In Charge, Da God Ova All Da Armies, tell.
But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.
ကြော်ငြာတွေ