Isaiah 9:14 - Hawaii Pidgin Bible

¹⁴ In one day, Da One In Charge goin cut off all da diffren kine peopo, Jalike he cut off dea head an dea tail, An same time, he goin cut off da top palm tree branch up dea, An da reed plant dat grow down inside da mud.

Isaiah 9:14 ပူးပေါင်းရင်းမြစ်များ

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 19:15

No ways da Egypt peopo goin know how fo work notting, No matta dey rich o no mo notting, O no matta dey importan o nobody know who dem.

Isaiah 30:13

An cuz you make lidat, Dis how goin be wen I punish you guys. Jalike wen get one high wall wit one small crack, An da crack come mo big, An da wall by da crack push out, An bang! da whole ting fall down.

Jeremiah 6:21

Az why Da One In Charge tell dis: “I da One goin make da peopo all jam up. Da faddahs an dea boys goin get wipe out same time. Frenz an peopo nea dem goin mahke.”

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Sad Song 4:16

Da One In Charge, he da One dat scatta dem all ova da place. He no take kea dem no moa. Da pries guys an da older leadas, Nobody show dem respeck no moa.

Hosea 1:4

Den Da One In Charge tell Hosea, “Give him da name Jezreel. Dat mean ‘God scatta.’ Az cuz pretty soon I goin punish da Jehu ohana, cuz dey wen kill plenny peopo Jezreel side. Den I goin make da blood line fo da Israel king guys come pau.

Hosea 1:6

Gomer come hapai one mo time, an born one bebe girl. Da One In Charge tell Hosea, “Give her da name Lo-Ruhamah. Dat mean ‘Nobody pity her.’ Cuz I no goin show pity fo da Israel ohana no moa. An I no goin take away dea blame no moa.

Hosea 1:9

Da One In Charge tell, “Give him da name Lo-Ammi. Dat mean, ‘Not my peopo.’ Cuz you guys no goin be my peopo no moa, an I no goin be yoa God no moa.

Hosea 10:15

Same ting goin happen to you Bethel peopo, Cuz you guys stay do real bad kine stuff! An da day wen Da One In Charge goin fight Wen start fo get light, Da Israel king goin mahke!”

Hosea 13:3

Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Hosea 4:5

You guys trip an fall down day time. An nite time, da guys dat talk fo God trip an fall down jalike you guys. Az why I goin wipe out da Israel nation Dass jalike yoa muddah!

Hosea 8:8

Az jalike odda peopo swallow da Israel peopo. Now da Israel peopo come jalike one a da odda peopos Dey jalike one ol pot dat not worth notting!

Amos 3:12

Da One In Charge, tell dis: “Wen da lion grab da sheep, Da sheep guy ony bring back litto bit fo show, Maybe two leg bone, o one small piece from da ear. Same ting goin happen wit da Israel ohana! Da ony ting peopo goin bring back from da Samaria guys fo show, Goin be one small piece from one bed O one piece silk from one couch.”

Amos 6:11

Cuz you know wat? Da One In Charge, he da One tell wat gotta happen, An cuz a dat, da big houses goin come all bus up An da small houses goin come jalike rubbish.

Amos 7:17

But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”

Jesus Show 18:17

In one hour, all da kine rich stuffs wen come wipe out!” Da captains from all da boats, da sailas, erybody dat ride boat, erybody dat work aroun da ocean, dey all goin stay far.

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”