Isaiah 8:9 - Hawaii Pidgin Bible

⁹ “All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Isaiah 8:9 ပူးပေါင်းရင်းမြစ်များ

1 Kings 20:11

Den da Israel king tell da messenja guys, “Tell yoa king dis: ‘No talk big now! Wait till afta you pau fight, not befo!’ ”

Smart Guys 11:21

You betta know dat da bad kine peopo Goin get busted an suffa, But fo da peopo Dat do da right ting erytime, Da ones dat goin come from dem Goin stay outa trouble.

Isaiah 28:13

Az why, fo dem guys, wat Da One In Charge tell um Goin be jalike wat he tell befo time: “Do dis, do dat, One rule, anodda rule, Litto bit hea, litto bit dea.” An dey goin go way, But den dey goin fall on dea okole. Dey goin come all bus up. Da army guys goin grab dem An dey goin come prisonas.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 54:15

Bumbye, if somebody attack you guys, Dat no goin be cuz a me. Whoeva attack you guys Dey goin get wipe out in front you.

Jeremiah 42:11

No sked a da Babylon king, no matta you guys stay sked a him now. Me, Da One In Charge, I tell dis: No sked him, cuz I stay wit you guys fo get you outa trouble. He no goin get powa ova you.

Jeremiah 46:3

Da One In Charge tell: “Line up da Egypt army guys wit small shield an big shield! An march out fo fight!

Jeremiah 46:4

“Tie da horses to da war wagons! Climb on top inside da war wagons! Line up in yoa place Wit yoa helmet on! Make yoa spear sharp! Put on yoa body armor!

Jeremiah 51:20

“You Babylon guys, you jalike my war club fo fight, My war club fo make war. Wit you, I goin use you fo bus up da peopos, An fo wipe out kings an dea peopos.

Ezekiel 38:7

“Get um ready an line um all up, you an all da diffren peopos aroun you. Go come da leada fo all dem!

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Joshua 11:5

All dese king guys an dea armies come togedda fo make one plan. Dey all make camp by da Merom Lake, fo go fight da Israel guys.