Isaiah 8:21 - Hawaii Pidgin Bible

²¹ Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.

Isaiah 8:21 ပူးပေါင်းရင်းမြစ်များ

2 Kings 25:3

Den, July 18 dat year, get hard time, cuz no mo food inside da big town. No mo notting fo da peopo eat.

2 Kings 6:33

Befo Elisha pau tell um dis, da messenja guy come by da door. Same time, da king tink lidis: “All dis trouble come from Da One In Charge. How come I gotta wait dis long time fo Da One In Charge do someting?!”

Job 1:11

But you know, if you use yoa powa, an wack eryting he get, fo shua he goin talk bad bout you in yoa face!”

Job 18:12

Cuz da bad guys hungry, dey not strong. An bad kine stuff stay ready fo happen to dem Weneva dey fall down.

Job 2:5

So! Go use yoa powa an hurt Job skin an bones. You do dat, fo shua he goin talk bad bout you in yoa face!”

Job 2:9

Job wife tell him, “Wot?! You still yet like hang in dea fo do stuff fo no mo nobody poin finga you?! Mo betta you go talk bad bout God, an den mahke!”

Outa Egypt 22:28

You betta not tell bad tings bout me, yoa God. You betta not tell me, yoa God, fo put kahuna on top da leadas fo yoa peopo.

Smart Guys 19:3

If you go all out fo do stupid kine stuff, You goin jam up yoa whole life. An den you goin come huhu An tell dat Da One In Charge get da blame.

Isaiah 14:30

Even da mos pooa ones from my peopo, Da ones dat no mo notting, Dey goin find food. An my peopo dat get hard time cuz dey need stuff, Dey goin lay down an res, an nobody goin hurt dem. But you Filisha peopo, Yoa mos importan guys goin mahke, Cuz I no let um get notting fo eat. An you odda guys dat still stay alive, You all goin mahke too cuz no mo food.

Isaiah 51:19

Dese two bad tings wen happen To you Jerusalem guys, No mo nobody fo help you Fo wat wen happen, An you feel sore inside. You guys stay all bus up, An wipe out, An no mo notting fo eat, An dey kill you guys wit swords. How I can give you guys good kine words Fo make you feel good?! No can!

Isaiah 59:9

An dass how come God da Judge no tell Dat us guys stay do da right kine tings, Cuz us no do um. Us guys still stay far From do da right ting erytime. Us like do good tings, But jalike we like find light, but ony stay dark. Jalike we like da bright light come, But still yet, get ony shadow.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Isaiah 9:20

Ova one side, dey goin steal food an eat, But still yet dey hungry. Ova hea one side, dey eat stuff, But dey no come full. Dey even goin eat dea kids.

Isaiah 9:21

(An dis wat I mean: Da Manasseh ohana goin eat da Efraim ohana, An da Efraim ohana goin eat da Manasseh ohana. An togedda, dey goin eat da Judah ohana.) An Da One In Charge stay huhu wit da Israel peopo still yet, An he stay ready fo bus um up.

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 52:6

Den, July 18 dat year, no mo food fo da Jerusalem peopo fo eat, an dey suffa plenny.

Prieses 24:11

Da hapa guy use Da One In Charge name an tell da guy he beef wit dat Da One In Charge good fo notting. So da guys bring da hapa guy by Moses. (His muddah name Shelomit, Dibri girl from da Dan ohana.)

1 Samuel 8:18

Da time goin come wen you guys goin yell to Da One In Charge, fo help you run away from da king dat you guys wen pick, but wen dat time come, Da One In Charge no goin help you guys!”