Isaiah 8:18 - Hawaii Pidgin Bible

¹⁸ Look—I stay right hea wit da kids Da One In Charge wen give me. We jalike awesome kine signs inside Israel. Even oua names show Wat Da One In Charge, Da God Ova All Da Armies, goin do bumbye. He da One stay on top Mount Zion inside Jerusalem.

Isaiah 8:18 ပူးပေါင်းရင်းမြစ်များ

Start 33:5

Den Esau look aroun, an he see da wahines an da kids stay coming. He tell um, “Dis peopo dat wit you, who dem?” Jacob tell um, “God do plenny good stuff fo me, yoa slave. Dey da kids dat God wen give me.”

1 Records 23:25

Cuz David wen tell, “Da One In Charge, da God fo da Israel peopo, make his peopo res. An he come fo live inside Jerusalem foeva.

Songs 22:30

Da peopo dat goin live bumbye, Dey goin work fo Da One In Charge too. Da ones not born yet, dey goin hear bout da Boss, An da peopo dat goin come from dem, same ting.

Songs 71:7

Plenny peopo watch me, Fo dem do wat I do. Cuz you strong, An you no let nobody hurt me.

Songs 9:11

Sing one song fo Da One In Charge, Da king dat stay live on top Mount Zion! Go by all da peopos, Make shua dey know da tings he do.

Songs 9:12

Wen peopo dat suffa but no can do notting Yell to Da One In Charge fo help, He lissen, an he no foget. Dass why he go afta da ones dat kill his peopo.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”

Isaiah 20:3

Laytas, Da One In Charge tell, “Wat my worka guy Isaiah wen do, go naked an barefeet fo three year, az jalike one sign fo blow da peopo mind bout wat goin happen to da Egypt peopo an da Sudan peopo.

Isaiah 24:23

“Den da bright moon no need shine Cuz no need da light. An da hot sun no need shine Cuz no need um fo stay warm. Az cuz dat time, Da One In Charge, Da God Ova All Da Armies, He goin be da king On top Zion hill wea da Temple stay Inside Jerusalem town. In front da older guys dat lead his peopo He goin show how awesome he stay.”

Isaiah 53:10

Still yet, was Da One In Charge Dat tink az good, Fo smash da guy dat work fo Him An make him suffa. Da One In Charge make him mahke, jalike one sacrifice Fo all da blame peopo get Cuz a da bad kine stuff we do. But still yet, da guy dat work fo Da One In Charge, He goin see da ones dat goin come from him, an live long time, An he goin get da powa Fo do wateva Da One In Charge like Fo him make happen.

Isaiah 7:16

But befo he come dat big, da land dat you worry bout wea da two kings stay goin come all bus up, an no mo notting goin stay dea.

Isaiah 7:3

Den Da One In Charge tell Isaiah, “You an yoa boy Shear-Jashub (dat mean, ‘Some peopo goin come back’), go out dea meet King Ahaz. Go by da end a da ditch wea da watta from da Mauka Watta Place go. Go on top da road dat go da field wea dey put da cloth inside da watta an step um fo make um come ready fo dye um.

Isaiah 8:3

Afta I do dat, I go sleep wit my wife, da wahine dat talk fo God. She get hapai, an born one boy. Da One In Charge tell me, “Call him Maher-Shalal-Hash-Baz.

Jeremiah 44:29

Da One In Charge tell: “All dis goin be jalike one sign fo show you guys dat I goin punish you guys inside dis place. Dass how you guys goin know, all dat I tell bout da bad kine stuff, I goin make happen to you guys.”

Ezekiel 12:6

Wen dey stay watch you, put yoa stuffs on top yoa shoulda, an carry um out wen come real dark. Cova yoa face fo no see da land, cuz I stay make you come jalike one sign fo da Israel peopo.”

Ezekiel 14:8

I goin go agains dem. I goin make dem be one sign fo tell odda peopo watch out. I goin cut dem off from my peopo. Den you guys goin know dat dis me, Da One In Charge, do dat.

Ezekiel 4:3

Den get one flat iron plate an stan um up fo Jerusalem town stay one side an you da odda side. Make jalike dat iron plate one iron wall. Den look strait at um, an make jalike you goin try take ova Jerusalem town. Wen da Israel ohana peopo see dat, dey goin tink bout how I goin go agains dem.

Zekariah 3:8

“ ‘Eh Joshua! Lissen up. You da Main Pries Guy! Yoa helpa guys dat stay sit down in front you, dey jalike signs bout da good kine tings dat goin happen bumbye. An bumbye I goin bring my worka guy hea too. He jalike da New Branch dat come out from da Root.

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”

Luke 2:18

Erybody dat hear dat, tink bout wat da sheep guys tell um.

Luke 2:34

Simeon tell God fo do good tings fo dem too. He tell Jesus muddah Mary, “God wen sen dis boy, an plenny Israel peopo goin jam up cuz a him. But plenny odda Israel peopo, dey goin come good cuz a him. He goin be jalike one sign dat tell peopo fo watch out. Plenny peopo no goin like dat, an dey goin grumble bout him.

Rules Secon Time 28:46

Da horraz stuff dass goin come goin be one sign from God fo show you guys an yoa kids wat can happen bumbye.

Hebrews 10:33

Had times da peopo wen talk any kine to you guys in front erybody, an dey wen make you guys suffa plenny. Odda times da peopo wen make same kine to yoa frenz, an you guys wen stay tight wit yoa frenz.

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.